訪問

表哥終於考完試了.  現在婆婆每逢星期五都帶大小姐到表哥家.

上星期, 婆婆為兩小朋友進行了一次訪問.

婆婆 ：「你地最鐘意乜野課外活動, 最唔鐘意又係乜野?」
Edwin：「我最鐘意係劍擊同游水.  最唔鐘意係彈琴.」
cc：「我最鐘意係彈琴同畫畫.  最唔鐘意係溜冰」
對於大小姐這個答案很意外.  細問下, 原來幾星期前她被一位哥哥踢到以致大腿流血, 現在疤痕還未完全退掉.  所以現在很怕自己一個在溜冰場.  但如果有表哥相伴的話就會把陰影忘記. 換句話說, 這只是少許心理影響, 實質仍然是很愛溜冰.

婆婆：「你地最鐘意/最唔鐘意做乜? 
Edwin：「最唔鐘意係要食飯.  最鐘意可以自己畫畫」
cc：「我最鐘意係彈琴果陣時.  無野最唔鐘意」

婆婆：「你地一日最鐘意/最唔鐘意係邊個鐘數? 」
Edwin：「最鐘意係4-5點, 可以鬆下同埋做自己鐘意既事.  最憎食飯時間.」
cc：「最鐘意係6點半, 因為媽咪返屋企.  最唔鐘意係起身既時候, 因為想瞓覺.」

牛太聽到這些對話, 很戥Edwin 難過, 年紀小小, 已經要背負著很多期望和壓力.  開心成為了奢侈品.  連課外活動也要被迫學.  也許, 將來能幹一番大事的人, 犧牲寶貴的童年生活是必然的事.

至於大小姐, 很明顯她是活在一個很快樂的世界.  雖然她吃飯很慢很勞氣, 但未至於表哥般「憎」.  生活上, 沒有甚麼令她討厭的事情.  媽媽仍然要時常緊記, 不要用世俗的標準來教小朋友.  而是按聖經的話語真理：「教養孩童, 就是到老也不偏離.」

妹妹的第20個月

20個月大的妹妹很精靈聰明而且極惡, 很會自己解決問題. 

最近正為細小姐進行戒片特訓. 可惜她一見potty 就很抗拒.  有晚媽媽又不停提醒她: :「有wee wee 就坐potty 啦.」  她聽到後, 就自行將potty 搬進房裡, 其間不停咦咦哦哦.  大概是跟媽媽說「我唔想痾呀, 你唔好迫我啦!」實在令我們哭笑不得. 

見過媽媽做幾次麵包後, 當媽媽拿個mixing bowl 出來就知「包包」 .  然後就指著自己的手指說「dirty」 .  她已把play along 看得滾瓜爛熟.  她會預告即將出場的節目例如扮狗叫、蝴蝶飛、跑、行、操兵等等等.  在節目完結前, 她又會做拜拜的動作. 

這個月最大的轉變莫過於她終於在早上可以睡遲一點才起床, 然後於中午過後才午睡.  這對我們一家的生活作息節奏有很大的影響.  就是在假日我們早上可以一起去玩, 星期日又可以一起返教會.

返了幾次幼童崇拜,  已熟悉崇拜的流程.  就是玩玩具, 在課室外排隊唱歌, 返回課室就是唱歌和奉獻. 媽媽很驚訝她會自己排隊, 不會做樹熊.  排隊回課室後又立刻要媽媽給她錢錢奉獻.  看來媽媽今次有盼望可以早點離開這課室, 不用又留三年吧!

惡妹妹經常趁著家姐不為意的時候就搣家姐的手臂, 媽媽受權家姐可以打妹妹打手仔兩下, 以告訴她這行為是不當的.  經過幾次後, 她不用等待家姐打她手仔, 當她搣完家姐就自己右手打左手, 左手打右手.  媽媽見狀又會再打她的手仔.  這時她知道自己做錯, 但又不甘於受罰, 就會以牙還牙抓媽媽眼鏡或先聲奪人lur 地大喊.  這個惡女有排教呀!