爸爸在廁所辦大事
cc:「鄧xx你得未呀? 妹妹喊呀!」
cc:「鄧xx你快d 啦, 妹妹掛住你呀!」
牛太:「你點解叫daddy 全名呀?」
cc:「咁daddy 係叫鄧xx 丫麻, 我無講錯架喎」
整段對話最好笑是, 小姐copy 了媽咪平日對爸爸的對白.
電視新聞正報導霍家爭產--
婆婆:「有錢都係煩.」
cc:「有錢有乜麻煩呀?」
在街巿買送途中--
cc:「媽咪, 我好唔想你死架. 不過你第日死左呢, 如果我又想落街買野, 我會帶埋妹妹去, 我會照顧佢架」
牛太:「係呀, 記住, 媽咪死左呢, 你一定要錫住妹妹, 照顧佢架」
cc:「我會架啦」
如果被途人甲乙丙聽到, 可能會以為牛太明天就會死呢!
cc:「我而家係藍藍小朋友呀」
牛太:「藍藍小朋友會自己食飯, 自己瞓覺架喎」
cc:「咁都係唔好啦, 我而家做返晴晴小朋友啦」
Wednesday, December 28, 2011
Monday, December 19, 2011
細小姐的第二個月
雖然要到21日才會去健康院打針磅重, 不過牛太相信, 細小姐的體重已經double 出生時的體重. 在雙滿月前的幾天, gg 已經要加奶到5安半了. 至於夜奶方面, 縱然她可以連瞓8小時, 不過每晚10時後是很很很難要接近眼瞓或已經睡著了的細小姐吃完一整支奶, 所以牛太在零晨時份仍然要起床餵奶. 盼望, 在2011 年完結前小姐能夠tune 至最後一支奶在11時吃就好了.
滿月後gg 仍然很喜歡睡覺, 睡醒後又很喜歡有人跟她說話, 她會笑、會發出咦咦「er er」來回應你, 使得牛棚各人很不捨得留她獨自一個在床仔.
兩個月過去, 細小姐面上的皮膚變成白雪雪了! 而牛太, 終於影到吃奶後的招牌笑容!
滿月後gg 仍然很喜歡睡覺, 睡醒後又很喜歡有人跟她說話, 她會笑、會發出咦咦「er er」來回應你, 使得牛棚各人很不捨得留她獨自一個在床仔.
小姐之笑話(廿一)
牛太問大小姐:「大個想做乜野(職業)? 護士? 老師? 鋼琴老師? 溜冰教練? 」
cc:「 我唔想呀!」
我: 「溜冰教練都唔想?」
cc: 「唔想呀」
我: 「咁想做乜呀?」
cc: 「我乜都唔想做, 淨係想日日去行街咋!」
不愧為一隻shopping 精!
牛棚平日很少開三色台, ,有日忘了關電視, 劇集裡的婆婆說了左一句: 「女人講說話男人要聽. 今朝」有天早上, 大小姐說了句說話, 牛生說不對. cc: 「我覺得果日電視個婆婆講得岩呀, 女人講說話男人要聽. 」牛太笑到反肚, 之後更提醒小姐千萬不要在學校這樣對男同學說呀!
牛太叫大小姐穿回拖鞋
cc:「佢盪失左路呀!」
牛太在畫板附近見到拖鞋
cc:「佢緊係想畫畫啦!」
相約了同學到公園玩, 小姐依然是一貫作風 -- 慢吞吞.
牛太:「快d 啦, 成日做遲到大王」
cc:「你講錯呀, 係遲到女王先岩呀」
cc:「 我唔想呀!」
我: 「溜冰教練都唔想?」
cc: 「唔想呀」
我: 「咁想做乜呀?」
cc: 「我乜都唔想做, 淨係想日日去行街咋!」
不愧為一隻shopping 精!
牛棚平日很少開三色台, ,有日忘了關電視, 劇集裡的婆婆說了左一句: 「女人講說話男人要聽. 今朝」有天早上, 大小姐說了句說話, 牛生說不對. cc: 「我覺得果日電視個婆婆講得岩呀, 女人講說話男人要聽. 」牛太笑到反肚, 之後更提醒小姐千萬不要在學校這樣對男同學說呀!
牛太叫大小姐穿回拖鞋
cc:「佢盪失左路呀!」
牛太在畫板附近見到拖鞋
cc:「佢緊係想畫畫啦!」
相約了同學到公園玩, 小姐依然是一貫作風 -- 慢吞吞.
牛太:「快d 啦, 成日做遲到大王」
cc:「你講錯呀, 係遲到女王先岩呀」
Wednesday, December 14, 2011
小姐之笑話(二十)
cc:「表哥, 你係咪5歲啦?」
Edwin: 「係呀, 你問過好多次啦!你3歲丫麻!」
cc:「我係就黎4歲呀」
Edwin:「你都未生日, 未到4歲呀!」
cc:「你都講過好多次啦! 我無話我係4歲呀, 我話我就黎4歲之麻, 我無講錯架. 」
牛太忘記了究竟問了小姐什麼問題, 大約是點解你無玩/做/睇xx. 小姐回答說:「你唔知我好忙架咩, 我又要做功課, 又要練習寫字, 又要彈琴, 玩, 仲有睇電視....」
媽:「我地成日叫你cc, 人地叫你晴晴, 你識唔識應架?」
cc:「你唔好當我傻既先得架!」
cc:「我係咪到100歲就禁到39樓架啦?」
媽:「唔駛100歲, 小學一年班就得啦.. 你100歲時, mami 死左好耐啦.. 100 歲好老架啦」
cc:「咁你死左, 我100歲時邊個照顧我呀?」
Edwin: 「係呀, 你問過好多次啦!你3歲丫麻!」
cc:「我係就黎4歲呀」
Edwin:「你都未生日, 未到4歲呀!」
cc:「你都講過好多次啦! 我無話我係4歲呀, 我話我就黎4歲之麻, 我無講錯架. 」
牛太忘記了究竟問了小姐什麼問題, 大約是點解你無玩/做/睇xx. 小姐回答說:「你唔知我好忙架咩, 我又要做功課, 又要練習寫字, 又要彈琴, 玩, 仲有睇電視....」
媽:「我地成日叫你cc, 人地叫你晴晴, 你識唔識應架?」
cc:「你唔好當我傻既先得架!」
cc:「我係咪到100歲就禁到39樓架啦?」
媽:「唔駛100歲, 小學一年班就得啦.. 你100歲時, mami 死左好耐啦.. 100 歲好老架啦」
cc:「咁你死左, 我100歲時邊個照顧我呀?」
Tuesday, December 6, 2011
滿月了
11月18日滿月的小gg 體重多了50%, 即是4.24 kg, 身長亦長了2cm. 每4小時就吞5安士奶進肚, 難怪脾脾面珠仔和肚仔都相當有睇頭. 在滿月前的幾天, 細小姐已經自行戒夜奶, 能連續睡6小時, 這樣實在太恩待媽媽, 好讓媽媽不用零晨2,3,4點起床餵奶.
細小姐有相當好的作息時間, 就是早上和晚上就會醒來, 下午和深夜就會熟睡, 當睡著的時候她很安靜, 不會無緣無固哭, 亦不會驚醒. 而每次吃奶後都會大笑, 有時還會笑出聲, 看來她的滿足是來自吃喝. 另外, 頭仔同手手腳腳都特別有力, 自醫院回家數天後, 頭仔已經懂得左右自由轉動找聲音的來源, 尤其當家姐在床邊跟她說話時. 而當肚餓時, 她總會出動全身的力量去告訴你要奶奶, 除了大喊外, 手腳亦會不停打和踢, 見識過她發爛的人都會明白為何牛太在懷孕時經常投訴她踢得很大力了.
牛爸牛媽仍然覺得小g 跟家姐長得很似樣. 當然, 畢竟是兩個人, 眼口鼻的大小都略有不同, 不過, 整體的輪廓都很似. 這種感覺很特別, 以至每次抱著小g都好像時光倒流一樣. 然而, 她比cc 幸福, 就是一出世已經有多一個人愛她錫她照顧她, 這個就是家姐了! 希望gg 長大後也同樣的愛家姐就好了.
細小姐有相當好的作息時間, 就是早上和晚上就會醒來, 下午和深夜就會熟睡, 當睡著的時候她很安靜, 不會無緣無固哭, 亦不會驚醒. 而每次吃奶後都會大笑, 有時還會笑出聲, 看來她的滿足是來自吃喝. 另外, 頭仔同手手腳腳都特別有力, 自醫院回家數天後, 頭仔已經懂得左右自由轉動找聲音的來源, 尤其當家姐在床邊跟她說話時. 而當肚餓時, 她總會出動全身的力量去告訴你要奶奶, 除了大喊外, 手腳亦會不停打和踢, 見識過她發爛的人都會明白為何牛太在懷孕時經常投訴她踢得很大力了.
牛爸牛媽仍然覺得小g 跟家姐長得很似樣. 當然, 畢竟是兩個人, 眼口鼻的大小都略有不同, 不過, 整體的輪廓都很似. 這種感覺很特別, 以至每次抱著小g都好像時光倒流一樣. 然而, 她比cc 幸福, 就是一出世已經有多一個人愛她錫她照顧她, 這個就是家姐了! 希望gg 長大後也同樣的愛家姐就好了.
Friday, November 4, 2011
第二個星期
至於大小姐, 亦是繼續合作. 來過牛棚探牛家的人就知道, 她愛妹妹、喜歡妹妹是由心底裡發出. 牛太從她協助妹妹處理日常生活鎖事看出, 她從服侍中取得成功感、優越感, 喜歡聽到爸媽婆婆讚她是好幫手家姐. 當妹妹喊時, 她總會說: 唔駛驚, 家姐響到呀, 等我唱首歌你聽啦. 她期待著妹妹快點長大, 可以一齊去公園玩、踏單車、游水、溜冰、做壽司等等等等. 為免她突然醋意發作, 牛太在抱著妹妹的同時, 可能的話都會叫大小姐來左擁右抱, 這時候她又會很開心. 問她媽咪有幾多個心肝寶貝, 她會說兩個. 牛太又試她, 問她: 不如我淨係錫晒你, 好唔好? 她的答案是唔好, 因為妹妹細個, 需要我們照顧. 牛太說不如將妹妹送回醫院, 她又說唔好, 因為會好掛住妹妹, 唔想妹妹住醫院, 媽咪都唔好再住醫院. 牛太當然希望, 她愛妹妹的心, 從今以後都有增無減, 就像她的媽媽和姨姨一樣.
Wednesday, October 26, 2011
一星期後
不經不覺, 細小姐已經出世一星期, 回家五天了. 這幾天來, 牛棚異常平靜.
在出院前, 牛太問過護士和醫生, 甚麼時候須要由4個鐘一餐奶轉到3個鐘, 他們的答案都是按須要. 感恩地, 細小姐暫時還未有這個須要, 她仍是很準時4小時就會醒來找吃, 吃奶加掃風只須20分鐘. 加上, 牛太今次一開始已決心不餵人奶, 所以4個鐘一餐奶很舒服. 還有, 細小姐在睡覺時是一點聲音也沒有的, 既不會哭又不會依依哦哦, 總是很安靜. 故此, 照顧她可說是毫無難度.
至於大小姐, 又是異常正常. 很多朋友, 在細小姐出生前, 都會跟牛太說, 要有心理準備應付cc吃妹妹醋, 必要時就將妹妹暫時交由工人照顧之類. 但直至現在, 大小姐很享受做家姐, 她樂意協助妹妹開奶、換片、掃風、陪瞓等等等等. 有日牛太問她, 不如將妹妹送回醫院, 她說不好, 她會掛念妹妹, 牛太又問她, 妹妹只懂瞓和吃, 又要爸爸媽媽照顧, 她說妹妹還小, 到4歲時, 好像她一樣, 就不用照顧, 而爸爸照顧妹妹時, 媽咪可以陪她玩, 她亦會很開心. 牛太未知她是早熟, 還是「時辰未到」她的醋意未發. 不過, 有幾個原因應該是另大小姐很快接受細小姐的加入. 一. 在過去2年, 牛太家族多了兩個bb, 在這個情況下, cc 是很明白bb 是甚麼模樣 -- 須要照顧, 不會玩. 故此, 她不會期望妹妹一出生就可以陪她到公園玩. 二. cc 是一個不折不扣的管家婆, 她從前也喜歡從照顧年幼的表弟中得到滿足和快樂. 在gg 未出生前, 牛太又刻意經常安排她協助妹妹處理事情, 例如掛妹妹的衫, 執好一袋袋的尿片, 摺好紗巾, 執拾柜桶等等等, 讓她有足夠心理準備有新成員加入我們的家庭. 三. 她很愛聽到大人讚她「好幫手家姐」. 記得她還讀k1, 有次老師和牛太傾談時, 老師說她一回校就告訴她:「我尋日幫手執好d 尿片, 媽咪讚我係好幫手家姐, 我好開心呀!」老師叮囑牛太一定要經常讚她, 人人都愛讚美的說話, 小朋友更甚. 這樣會令她感到做姐姐的光榮. 四. 在出院的那天, 牛太代妹妹送了一份小姐期待已久的禮物--滑板車給她. 牛太說是妹妹送給她, 多謝姐姐愛她, 照顧她. 現在, 凡有朋友來牛棚探gg 時, 她都會展示這個新玩具給人看, 還會告訴別人這是妹妹送給她的. 這樣看來, 就是這個幾主要原因使得小姐能夠平安過渡吧! 當然, 做媽媽的, 希望她能永遠愛妹妹錫妹妹, 兩姊妹相親相愛.
至於牛太, 亦如之前跟好友們所說, 生了gg 出來心情一定會好過大肚的日子. 從前, 一晚睡10小時亦不夠, 當然啦, 10小時內要起床如廁5次以上. 肚餓了, 亦只可以少吃多餐. 現在, 雖然欠周公很多債, 但仍然很精神. 胃口亦比大肚時吃得好. 在懷孕時, 朋友們都叫牛太好好享受照顧一女之樂. 到妹妹出世後就是第二個世界. 但牛太心理一直只想快點到10月, 到催生前一晚有種如釋重負的感覺. 在懷胎十月期間, 有很多次, 牛太都後悔沒有做一個決定. 亦很多時很討厭大著肚, 陀著個小西瓜身體有諸多限制. 記得cc 出生時, 牛太要用幾日時間去適應, 還時常要自我麻醉提醒這是自己的女兒. 但天父的安排很奇妙. gg 出生時的樣子是跟cc 一樣的. 只是gg 多一點頭髮, 而她們的頭圍、身長、體重都幾乎是一樣. 故此, 牛太第一次去餵她奶時已經有一種很親切的感覺, 直到回家後, 在照顧她的同時, 亦回想起很多cc 初生時的片段.
身為兩女之母, 尤其在大小姐放學後, 生活變得很忙, 不過, 很享受這種生活, 很滿足很快樂. 在過去幾天, 細小姐未曾被工人姐姐餵一餐奶, 星期天也讓她放假, 這是迫使父母不要偷懶的重要一步. 牛太盼望家中各成員都繼續合作地生活及成長, 好讓各項運作順利.
在出院前, 牛太問過護士和醫生, 甚麼時候須要由4個鐘一餐奶轉到3個鐘, 他們的答案都是按須要. 感恩地, 細小姐暫時還未有這個須要, 她仍是很準時4小時就會醒來找吃, 吃奶加掃風只須20分鐘. 加上, 牛太今次一開始已決心不餵人奶, 所以4個鐘一餐奶很舒服. 還有, 細小姐在睡覺時是一點聲音也沒有的, 既不會哭又不會依依哦哦, 總是很安靜. 故此, 照顧她可說是毫無難度.
至於大小姐, 又是異常正常. 很多朋友, 在細小姐出生前, 都會跟牛太說, 要有心理準備應付cc吃妹妹醋, 必要時就將妹妹暫時交由工人照顧之類. 但直至現在, 大小姐很享受做家姐, 她樂意協助妹妹開奶、換片、掃風、陪瞓等等等等. 有日牛太問她, 不如將妹妹送回醫院, 她說不好, 她會掛念妹妹, 牛太又問她, 妹妹只懂瞓和吃, 又要爸爸媽媽照顧, 她說妹妹還小, 到4歲時, 好像她一樣, 就不用照顧, 而爸爸照顧妹妹時, 媽咪可以陪她玩, 她亦會很開心. 牛太未知她是早熟, 還是「時辰未到」她的醋意未發. 不過, 有幾個原因應該是另大小姐很快接受細小姐的加入. 一. 在過去2年, 牛太家族多了兩個bb, 在這個情況下, cc 是很明白bb 是甚麼模樣 -- 須要照顧, 不會玩. 故此, 她不會期望妹妹一出生就可以陪她到公園玩. 二. cc 是一個不折不扣的管家婆, 她從前也喜歡從照顧年幼的表弟中得到滿足和快樂. 在gg 未出生前, 牛太又刻意經常安排她協助妹妹處理事情, 例如掛妹妹的衫, 執好一袋袋的尿片, 摺好紗巾, 執拾柜桶等等等, 讓她有足夠心理準備有新成員加入我們的家庭. 三. 她很愛聽到大人讚她「好幫手家姐」. 記得她還讀k1, 有次老師和牛太傾談時, 老師說她一回校就告訴她:「我尋日幫手執好d 尿片, 媽咪讚我係好幫手家姐, 我好開心呀!」老師叮囑牛太一定要經常讚她, 人人都愛讚美的說話, 小朋友更甚. 這樣會令她感到做姐姐的光榮. 四. 在出院的那天, 牛太代妹妹送了一份小姐期待已久的禮物--滑板車給她. 牛太說是妹妹送給她, 多謝姐姐愛她, 照顧她. 現在, 凡有朋友來牛棚探gg 時, 她都會展示這個新玩具給人看, 還會告訴別人這是妹妹送給她的. 這樣看來, 就是這個幾主要原因使得小姐能夠平安過渡吧! 當然, 做媽媽的, 希望她能永遠愛妹妹錫妹妹, 兩姊妹相親相愛.
至於牛太, 亦如之前跟好友們所說, 生了gg 出來心情一定會好過大肚的日子. 從前, 一晚睡10小時亦不夠, 當然啦, 10小時內要起床如廁5次以上. 肚餓了, 亦只可以少吃多餐. 現在, 雖然欠周公很多債, 但仍然很精神. 胃口亦比大肚時吃得好. 在懷孕時, 朋友們都叫牛太好好享受照顧一女之樂. 到妹妹出世後就是第二個世界. 但牛太心理一直只想快點到10月, 到催生前一晚有種如釋重負的感覺. 在懷胎十月期間, 有很多次, 牛太都後悔沒有做一個決定. 亦很多時很討厭大著肚, 陀著個小西瓜身體有諸多限制. 記得cc 出生時, 牛太要用幾日時間去適應, 還時常要自我麻醉提醒這是自己的女兒. 但天父的安排很奇妙. gg 出生時的樣子是跟cc 一樣的. 只是gg 多一點頭髮, 而她們的頭圍、身長、體重都幾乎是一樣. 故此, 牛太第一次去餵她奶時已經有一種很親切的感覺, 直到回家後, 在照顧她的同時, 亦回想起很多cc 初生時的片段.
身為兩女之母, 尤其在大小姐放學後, 生活變得很忙, 不過, 很享受這種生活, 很滿足很快樂. 在過去幾天, 細小姐未曾被工人姐姐餵一餐奶, 星期天也讓她放假, 這是迫使父母不要偷懶的重要一步. 牛太盼望家中各成員都繼續合作地生活及成長, 好讓各項運作順利.
Thursday, October 20, 2011
分離三晚後
四年來, 牛太從沒有離開過小姐身邊多於24小時. 今次入院, 對兩母女都是一個新體驗.
牛太這幾天都在爭扎, 究竟安排小姐來探妹妹和媽媽好不好呢? 最後都是安排姨姨和婆婆黃昏帶她來, 然後牛生放工來接走小姐. 一來牛太想她知道媽媽和妹妹住醫院大概的情況, 二來也想她重臨自己出生的醫院. 在下午時, 姨姨不停說:「 一陣佢實喊住唔肯走, 要同你一齊」 牛太相信她不會的, 因為她對陌生地方有恐懼. 反而可能是牛太自己因太掛念而哭.
最後的結果有點出人意表. 當小姐來到病房時, 她面對著3天沒有見的媽媽表演得很怕羞, 不過很快, 就拖著媽媽的手不停錫. 然後表示很期待見妹妹. 在等候「點心車」期間, 她要求媽咪抱, 噢!原來在過去9個月, 她明白媽媽因為有了妹妹而抱不到她, 而牛太亦曾承諾妹妹出生後就可以抱. 原來她把這事一直放在心裡. 媽媽亦很感恩她很明白事理, 並不會因為得不到而發爛. 其後她不止一次表示, 想入嬰兒室去抱妹妹, 又想錫妹妹, 更想帶妹妹回家. 固此, 牛太就在此時跟她進行心理輔導, 告訴她明天出院回家就可以抱妹妹, 因為妹妹還須要留院觀察, 若護士姐姐一會兒推走她後, 請不要大喊, 媽媽明白家姐是愛妹妹的. 因著小姐怕羞的性格, 牛太估不到她對妹妹的熱情, 不停隔著玻璃叫妹妹, 在這幾分鐘的「動物園時間」內, 看得最開心興奮的就是她. 最好笑是, 當大家看見護士姐姐推走第一架點心車時就給cc一個心理準備說:「拿, 要拜拜啦!」cc:「都唔係我地呢架!」 到真的要跟妹妹分開時, 差點兒掉下眼淚來. 可能心情還未平伏, 接下來很快又要跟媽媽道別時, 她還未回魂, 沒有扭著媽咪不放的情境. 反而是回家後打電話給媽媽, 說很掛念媽媽, 很想媽媽現在就回去, 最後終於哭了出來. 牛太覺得她已經很叻叻, 一直以來都很纏身, 過去幾晚聽說沒有特別扭計, 可能就是見面一會後又要分離才激發她的情緒. 感恩妹妹最後不用開刀, 否則又要住多一晚醫院, 兩母女又要掛念多一晚.
牛太這幾天都在爭扎, 究竟安排小姐來探妹妹和媽媽好不好呢? 最後都是安排姨姨和婆婆黃昏帶她來, 然後牛生放工來接走小姐. 一來牛太想她知道媽媽和妹妹住醫院大概的情況, 二來也想她重臨自己出生的醫院. 在下午時, 姨姨不停說:「 一陣佢實喊住唔肯走, 要同你一齊」 牛太相信她不會的, 因為她對陌生地方有恐懼. 反而可能是牛太自己因太掛念而哭.
最後的結果有點出人意表. 當小姐來到病房時, 她面對著3天沒有見的媽媽表演得很怕羞, 不過很快, 就拖著媽媽的手不停錫. 然後表示很期待見妹妹. 在等候「點心車」期間, 她要求媽咪抱, 噢!原來在過去9個月, 她明白媽媽因為有了妹妹而抱不到她, 而牛太亦曾承諾妹妹出生後就可以抱. 原來她把這事一直放在心裡. 媽媽亦很感恩她很明白事理, 並不會因為得不到而發爛. 其後她不止一次表示, 想入嬰兒室去抱妹妹, 又想錫妹妹, 更想帶妹妹回家. 固此, 牛太就在此時跟她進行心理輔導, 告訴她明天出院回家就可以抱妹妹, 因為妹妹還須要留院觀察, 若護士姐姐一會兒推走她後, 請不要大喊, 媽媽明白家姐是愛妹妹的. 因著小姐怕羞的性格, 牛太估不到她對妹妹的熱情, 不停隔著玻璃叫妹妹, 在這幾分鐘的「動物園時間」內, 看得最開心興奮的就是她. 最好笑是, 當大家看見護士姐姐推走第一架點心車時就給cc一個心理準備說:「拿, 要拜拜啦!」cc:「都唔係我地呢架!」 到真的要跟妹妹分開時, 差點兒掉下眼淚來. 可能心情還未平伏, 接下來很快又要跟媽媽道別時, 她還未回魂, 沒有扭著媽咪不放的情境. 反而是回家後打電話給媽媽, 說很掛念媽媽, 很想媽媽現在就回去, 最後終於哭了出來. 牛太覺得她已經很叻叻, 一直以來都很纏身, 過去幾晚聽說沒有特別扭計, 可能就是見面一會後又要分離才激發她的情緒. 感恩妹妹最後不用開刀, 否則又要住多一晚醫院, 兩母女又要掛念多一晚.
超等位
牛太在醫院透過webcam 見到這個畫面.. 不禁傻笑出來. 這個位置是小姐最新發掘出來的, 就像以前的戲院最貴戲票的超等位. 不過牛太很不明白, 有正常位不坐, 要坐上去, 難度那個位真的很舒服嗎?
小姐之笑話(二十)
牛太有天在平台跟細契媽傾計, 小姐自己在玩汽球.
牛太:「點呀, 捨得走未?」
cc:「你地都未傾完」
牛太:「我想食返你落肚, 然後同妹妹一齊住」
cc:「唔得, 咁我咪碎晒law」
牛太:「唔會, 你睇, 妹妹都無碎到」
cc:「但我太大舊, 你個肚裝唔落架啦!」
牛太在醫院跟小姐通電話, 告訴她明晚姨姨和婆婆會帶她來探媽咪和妹妹, cc:「咁之後我就帶埋你走」
牛太:「唔得呀, 我同妹妹要星期五先走得」
cc:「咁你尋日又話問下醫生聽日走既?」
牛太:「咪就係醫生話唔得law, 媽咪仲有病」
cc:「唔好啦, 我好掛住你呀!」
牛太:「點呀, 捨得走未?」
cc:「你地都未傾完」
牛太:「我想食返你落肚, 然後同妹妹一齊住」
cc:「唔得, 咁我咪碎晒law」
牛太:「唔會, 你睇, 妹妹都無碎到」
cc:「但我太大舊, 你個肚裝唔落架啦!」
牛太在醫院跟小姐通電話, 告訴她明晚姨姨和婆婆會帶她來探媽咪和妹妹, cc:「咁之後我就帶埋你走」
牛太:「唔得呀, 我同妹妹要星期五先走得」
cc:「咁你尋日又話問下醫生聽日走既?」
牛太:「咪就係醫生話唔得law, 媽咪仲有病」
cc:「唔好啦, 我好掛住你呀!」
家姐的祈禱
在臨近妹妹出生前, 每晚小姐都會主動開聲祈禱, 還會為妹妹及各人禱告. 內容大約如下:
- 為婆婆隻手祈禱, 希望佢快d 好返唔好痛, 可以去買送;
- 為妹妹祈禱, 希望佢唔好踢咁大力, 踢到媽咪好痛;
- 媽咪.. 住1日醫院好啦, 唔好住咁耐;
- 我都想呢, daddy 同妹妹加油打完氣就返黎陪我;
- 天父.. 我想快d 學識煮飯, 到我8歲時, 妹妹就4歲, 咁我可以煮飯佢食. 媽咪已經教左我洗菜架啦, 我只係爭唔識煮飯.. 天父.. 媽咪話我小學時就教我煮架啦, 我都好想快d 煮比妹妹食. 我又己經識整麵包, 蛋糕同埋搓湯圓, 第日我都會教妹妹做架! 仲有呢, 妹妹返到黎屋企, 我都好想試下抱下佢呀.
別以為小姐牙尖咀利, 查實只限於駁咀時. 要她組織一段說話, 她總是漏口一樣: 我我我.. 呢.. 咁.. 所以, 當她斷斷續續說出一堆禱文後, 牛太都會重新替她重組句子. 有一晚, 當牛太如常repeat 小姐的祈求時, cc 說: 天父呀, 我求你呢, 叫媽咪快d 明白我講乜, 佢而家就係唔明, 所以講返我講既, 我都想佢明白我呀....
牛太明白, 到細小姐回家後, 大小姐要有很多時間的適應. 不過聽到她主動為妹妹祈禱, 又願意服侍她, 已經是好開始. 牛太每晚最後都會為她們祈禱, 希望她們日後都能相親相愛.
- 為婆婆隻手祈禱, 希望佢快d 好返唔好痛, 可以去買送;
- 為妹妹祈禱, 希望佢唔好踢咁大力, 踢到媽咪好痛;
- 媽咪.. 住1日醫院好啦, 唔好住咁耐;
- 我都想呢, daddy 同妹妹加油打完氣就返黎陪我;
- 天父.. 我想快d 學識煮飯, 到我8歲時, 妹妹就4歲, 咁我可以煮飯佢食. 媽咪已經教左我洗菜架啦, 我只係爭唔識煮飯.. 天父.. 媽咪話我小學時就教我煮架啦, 我都好想快d 煮比妹妹食. 我又己經識整麵包, 蛋糕同埋搓湯圓, 第日我都會教妹妹做架! 仲有呢, 妹妹返到黎屋企, 我都好想試下抱下佢呀.
別以為小姐牙尖咀利, 查實只限於駁咀時. 要她組織一段說話, 她總是漏口一樣: 我我我.. 呢.. 咁.. 所以, 當她斷斷續續說出一堆禱文後, 牛太都會重新替她重組句子. 有一晚, 當牛太如常repeat 小姐的祈求時, cc 說: 天父呀, 我求你呢, 叫媽咪快d 明白我講乜, 佢而家就係唔明, 所以講返我講既, 我都想佢明白我呀....
牛太明白, 到細小姐回家後, 大小姐要有很多時間的適應. 不過聽到她主動為妹妹祈禱, 又願意服侍她, 已經是好開始. 牛太每晚最後都會為她們祈禱, 希望她們日後都能相親相愛.
Wednesday, October 19, 2011
妹妹出世了
終於.. 妹妹出世了... 懷孕38周, 扣去頭6周, 和中段的8周, 牛太足足辛苦了24周. 嘔了12周, 到中段舒服了一點, 還可以去旅行, 之後就一直尾龍骨痛、胃口差、很易攰、經常要飲可樂止胃氣. 所以, 葉太問點解今次blog 裡沒有update gg 的消息, 一是身體各樣不適cover 了胎動的感覺, 二來, 第2次胎動, 開始時確是有點感動, 但過後又因為踢到好痛覺得有點討厭. 三來, 放工以外的時間, 全部都奉獻給予大小姐, 根本無時間心情去享受今次懷孕的旅程.
為了避免等運到, 更重要一點是, 牛太很不想在cc 視線範圍內作動. 因為這4年來, 牛太夜晚有約, 都會盡量趕回家陪小姐瞓覺, 就算趕不了回家, 都會差派牛生招呼小姐. 故此, 牛太想像得到, 如果在下午或晚上作動, 尤其是接近小姐瞓覺時間就最麻煩了, 她肯定要扭著一起到醫院, 到時就留下這個爛攤子給婆婆和工人姐姐. 所以, 詢問過醫生意見後, 就決定了到38周就催生. 又因為上次的生產經歷, 留下了很難忘的回憶. 雖然, 很多人都說, 第二次生產會快過第一次, 但這種痛, 一秒都嫌多, 牛太情願付多萬多元去換取無痛分娩, 換取一點舒服.
在完全清醒的頭腦下生仔, 感覺確實不同.
- 完全清楚產房的情況, 醫生何時來, 護士幾點交更 ; 隔離幾個產房的慘叫聲此起彼落, 就好比飛機場飛機升降一樣. 一個產婦生了bb了, 另一個又接上.
- 護士絕對是一個厭惡性工作. 她們要在一個比街巿還要嘈的地方工作, 加上體力勞動, 比起我們一班坐在office 的OL, 工作量是nn 陪. 佩服!
- 因為無痛分娩的關係, 牛生和牛太都可以很自在地在玩電話, 連助產士都說: 科技發達到生仔可以舒服到呢個地步
- 牛太一直不可以平瞓, 每晚都只可以側身, 平瞓總有一種說不出的不適. 直至有一次做facial時, 因著要平瞓, 一開始時己經很不舒服, 很快, 成身冒汗, 心跳加速, 結果, 未開始做facial 己經要結速. 牛太問過醫生, 他說是脫水, 建議牛太多喝水. 直至昨日, 牛太一上床就被迫要平瞓. 又是一次, 一開始就不舒服, 牛太有跟護士說, 她只說: 做媽媽係要忍耐下啦. 直至麻醉科醫生來到, 他發現血壓有點低, 不久, 牛太就感到頭暈, 全身冒汗, 心跳加速, 他即吩咐護士把牛太身體打側一點, 結果很快, 血壓就回復正常, 亦沒有頭暈了. 他解釋是平瞓時胎兒把大血管壓著, 以至上半身缺乏供應. 哈, 這個迷團結果是由麻醉科醫生解開, 而且是懷孕最後的時刻. 哈哈!
-麻醉科醫生很好奇地問, 為何上一次不用打無痛, 今次又要打. 牛太回答: 就係上次無打, 真係痛到死果一刻都會記得, 唔好講笑. 醫生聽到都笑了. 他說果然是女人才能感受到.
-中午12時多, 麻醉科醫生來到, 打了麻醉藥後, 1時左右由護士人手穿水, 再落催生藥, 到3時多, 都只是3度. 3時30分左右, 婦科醫生來到, 接著護士再檢查, 已經8度了, 她們setup 一切後, 醫生就開始工作. 查實, 打了麻醉藥, 下半身只有10% 有感覺, 由檢查宫頸, 到插尿喉, 甚至生產, 一點痛都沒有. 醫生護士叫出力, 牛太是盡力而為, 做到的是出力拉手柄、吸氣、扮出力. 一直還以為要用真空吸, 結果完全不用. 牛太可以清楚地在醫生的護面罩的反影底下見到整個gg 出生的過程, 清楚地看到胎盤和臍帶. 還可以問醫生: 咦? 今次唔駛剪呀? gg 是在下午4時13分出世. 即是說, 由穿水到出生, 只是用了三小時.
-在產檢時細小姐一直是細磅b, 最後一次的磅數約左5磅8. 牛太都做足心理準備她比家姐還是瘦小. 誰知她給大家一個驚喜, 原來有6磅半. 哈, 真不錯呀, 牛太的肚圍只有38寸, 重了22磅. 任何人看見都不相信gg 已到預產期. 即是說, 牛太跟上次一樣, 應該不用努力減磅了.
-以為自己無用力, 其實是用了都不知道. 生產過後, 跟上次一樣, 手腳不停地不由自主地震. 接著就嘔, 不過, 很快就沒事了. 晚上6,7時, 病房是最嘈吵的時候, 不過實在太累了, 一直醒瞓的牛太都瞓了差不多兩小時, 最後因為發燒及兒科醫生巡房後就醒了. 醫生說發燒是因為無痛的反應. 而兒科醫生看過gg 後, 他說一切大至正常, 只是咀唇對上和額頭有微絲血管爆烈, 這是天生的, 通常1,2年後會退, 若退不了的話可以做laser.
牛太慶幸這次選擇了催生和無痛, 但亦沒有後悔上次的自然分娩. 這總算, 痛又感受過, 整個生產過程又清楚地感受得到.
如無意外, gg 和牛太會在21號出院. 到時, 全家人都要從新適應及跟新成員培養感情. 牛太有個希望, 就是gg 和cc 一樣, 在工作以外的時間全由父母照顧長大, 不用假手外判予工人姐姐. 雖然有點難度, 但媽媽在此承諾, 會盡力而為, 絕對不希望因為要照顧家姐而忽略妹妹. 牛太希望在這兩天努力update blog, 因為cc 在這幾天的祈禱裡不停為著妹妹各樣的事祈求, 很值得記下呢!
為了避免等運到, 更重要一點是, 牛太很不想在cc 視線範圍內作動. 因為這4年來, 牛太夜晚有約, 都會盡量趕回家陪小姐瞓覺, 就算趕不了回家, 都會差派牛生招呼小姐. 故此, 牛太想像得到, 如果在下午或晚上作動, 尤其是接近小姐瞓覺時間就最麻煩了, 她肯定要扭著一起到醫院, 到時就留下這個爛攤子給婆婆和工人姐姐. 所以, 詢問過醫生意見後, 就決定了到38周就催生. 又因為上次的生產經歷, 留下了很難忘的回憶. 雖然, 很多人都說, 第二次生產會快過第一次, 但這種痛, 一秒都嫌多, 牛太情願付多萬多元去換取無痛分娩, 換取一點舒服.
在完全清醒的頭腦下生仔, 感覺確實不同.
- 完全清楚產房的情況, 醫生何時來, 護士幾點交更 ; 隔離幾個產房的慘叫聲此起彼落, 就好比飛機場飛機升降一樣. 一個產婦生了bb了, 另一個又接上.
- 護士絕對是一個厭惡性工作. 她們要在一個比街巿還要嘈的地方工作, 加上體力勞動, 比起我們一班坐在office 的OL, 工作量是nn 陪. 佩服!
- 因為無痛分娩的關係, 牛生和牛太都可以很自在地在玩電話, 連助產士都說: 科技發達到生仔可以舒服到呢個地步
- 牛太一直不可以平瞓, 每晚都只可以側身, 平瞓總有一種說不出的不適. 直至有一次做facial時, 因著要平瞓, 一開始時己經很不舒服, 很快, 成身冒汗, 心跳加速, 結果, 未開始做facial 己經要結速. 牛太問過醫生, 他說是脫水, 建議牛太多喝水. 直至昨日, 牛太一上床就被迫要平瞓. 又是一次, 一開始就不舒服, 牛太有跟護士說, 她只說: 做媽媽係要忍耐下啦. 直至麻醉科醫生來到, 他發現血壓有點低, 不久, 牛太就感到頭暈, 全身冒汗, 心跳加速, 他即吩咐護士把牛太身體打側一點, 結果很快, 血壓就回復正常, 亦沒有頭暈了. 他解釋是平瞓時胎兒把大血管壓著, 以至上半身缺乏供應. 哈, 這個迷團結果是由麻醉科醫生解開, 而且是懷孕最後的時刻. 哈哈!
-麻醉科醫生很好奇地問, 為何上一次不用打無痛, 今次又要打. 牛太回答: 就係上次無打, 真係痛到死果一刻都會記得, 唔好講笑. 醫生聽到都笑了. 他說果然是女人才能感受到.
-中午12時多, 麻醉科醫生來到, 打了麻醉藥後, 1時左右由護士人手穿水, 再落催生藥, 到3時多, 都只是3度. 3時30分左右, 婦科醫生來到, 接著護士再檢查, 已經8度了, 她們setup 一切後, 醫生就開始工作. 查實, 打了麻醉藥, 下半身只有10% 有感覺, 由檢查宫頸, 到插尿喉, 甚至生產, 一點痛都沒有. 醫生護士叫出力, 牛太是盡力而為, 做到的是出力拉手柄、吸氣、扮出力. 一直還以為要用真空吸, 結果完全不用. 牛太可以清楚地在醫生的護面罩的反影底下見到整個gg 出生的過程, 清楚地看到胎盤和臍帶. 還可以問醫生: 咦? 今次唔駛剪呀? gg 是在下午4時13分出世. 即是說, 由穿水到出生, 只是用了三小時.
-在產檢時細小姐一直是細磅b, 最後一次的磅數約左5磅8. 牛太都做足心理準備她比家姐還是瘦小. 誰知她給大家一個驚喜, 原來有6磅半. 哈, 真不錯呀, 牛太的肚圍只有38寸, 重了22磅. 任何人看見都不相信gg 已到預產期. 即是說, 牛太跟上次一樣, 應該不用努力減磅了.
-以為自己無用力, 其實是用了都不知道. 生產過後, 跟上次一樣, 手腳不停地不由自主地震. 接著就嘔, 不過, 很快就沒事了. 晚上6,7時, 病房是最嘈吵的時候, 不過實在太累了, 一直醒瞓的牛太都瞓了差不多兩小時, 最後因為發燒及兒科醫生巡房後就醒了. 醫生說發燒是因為無痛的反應. 而兒科醫生看過gg 後, 他說一切大至正常, 只是咀唇對上和額頭有微絲血管爆烈, 這是天生的, 通常1,2年後會退, 若退不了的話可以做laser.
牛太慶幸這次選擇了催生和無痛, 但亦沒有後悔上次的自然分娩. 這總算, 痛又感受過, 整個生產過程又清楚地感受得到.
如無意外, gg 和牛太會在21號出院. 到時, 全家人都要從新適應及跟新成員培養感情. 牛太有個希望, 就是gg 和cc 一樣, 在工作以外的時間全由父母照顧長大, 不用假手外判予工人姐姐. 雖然有點難度, 但媽媽在此承諾, 會盡力而為, 絕對不希望因為要照顧家姐而忽略妹妹. 牛太希望在這兩天努力update blog, 因為cc 在這幾天的祈禱裡不停為著妹妹各樣的事祈求, 很值得記下呢!
Thursday, October 13, 2011
窩心的禱告
最近哥哥帶了Edwin 和意粉返教會. 晚上更加一起一同禱告. 有一晚哥哥問Edwin 有什麼想祈求時, 他說要為大姑姐的bb 祈禱, 希望bb 出世時健康, 他還說知道生產時可能會出現很多問題, 所以求天父賜下平安, 使生產過程順利.
有天晚上牛太和小姐一起禱告, 小姐亦主動為妹妹祈禱, 她說希望妹妹不要踢得媽咪很痛, 細細力就好了.
這兩位小朋友的禱告, 實在令牛太很感動. 雖然跟Edwin的相處機會不多, 但他仍會把大姑姐的事主動放在禱告中紀念; 而小姐亦很留心平日媽咪的說話, 因為有時妹妹很大力的踢, 會令牛太不其然大叫. 牛太要記下這兩件小事, 是要讓細小姐知道, 做家中最小的亦很幸福, 除了父母外, 還有同輩的愛護. 這是有錢也買不到的.
有天晚上牛太和小姐一起禱告, 小姐亦主動為妹妹祈禱, 她說希望妹妹不要踢得媽咪很痛, 細細力就好了.
這兩位小朋友的禱告, 實在令牛太很感動. 雖然跟Edwin的相處機會不多, 但他仍會把大姑姐的事主動放在禱告中紀念; 而小姐亦很留心平日媽咪的說話, 因為有時妹妹很大力的踢, 會令牛太不其然大叫. 牛太要記下這兩件小事, 是要讓細小姐知道, 做家中最小的亦很幸福, 除了父母外, 還有同輩的愛護. 這是有錢也買不到的.
Thursday, October 6, 2011
小姐之笑話(十九)
契媽送了小姐兩張至愛的廸廸尼貼紙. 牛太看看價錢, 嘩! 一張貼紙足夠吃一餐飯. 於是就對她說::「d 貼紙好貴呀, 叫契媽唔好再買啦, 好嘥錢」
cc: 「唔好啦, 契媽知我鐘意貼紙呀!唔怕啦, 契媽有返工, 有賺錢架麻」
牛太:「咁都唔駛買咁貴啦!」
cc:「唔貴.. 可能就買唔到米老鼠.... 我最多唔會浪費啦.」
牛太心想: 貼紙根本就係浪費品!
現在牛太在購物後都會借機教導小姐, 那些是必需品, 那些是想要的. 小姐的波鞋不合穿, 牛太主動帶她去買.
牛太: 「波鞋係必需品定想要呀?」
cc:「必需品」
牛太:「係啦, 必需品, 你唔要求, 媽咪都會買比你」
cc:「咁點解你唔買有輪果d 波鞋比我呀!」
她的意思是, 予其也要買鞋給她, 為何不買有輪的, 這既符合「必需品」, 又能夠滿足她「想要」的慾望.
牛太:「你條腸腸(攬枕)有無名架? 叫乜名?」
cc:「無架」
牛太: 「咁咪就係叫鄧腸腸law!咁我果條呢?」
cc: 「柯腸腸」
牛太:「咁daddy, 婆婆, 同姐姐果條呢?」
cc:「浩腸腸, 婆婆腸同埋... 肥腸腸!」
小姐在電話一輪咀不停講, 牛太回應了兩句後---
cc:「媽咪, 我未講完呀, 你要等我講完你先好講, 老師話咁樣係唔岩架!」
暈低!
另外, 牛太很欣賞小姐有個經常保持清醒的腦袋. 自從第一次溜冰堂後, 家中各人都很少再提她星期二有溜冰堂. 不過, 她仍然知道幾時是星期二.
有個星期一晚上:
cc:「媽咪, 聽日有得溜冰呀!」
牛太:「係咩? 邊個話你知架?」
cc:「聽日星期二丫麻, 唔駛講都知.」
牛太:「我以為你學完咋, 乜未架咩?」
cc:「我都未學識!」
牛太:「係咩, 你唔係話你識啦咩? 」
cc:「咁呀, d 哥哥姐姐識左都繼續學啦, 有好多野學架麻, 向後呀, 轉圈呀......」
真的休想欺騙她!
有個周末早上到公園玩後, 回家己經是中午時份. 牛太叫牛生到大家樂買外賣飯盒回來吃, 免得要去等位. 小姐聽到吃大家樂後, 就說要吃太興, 因為太興的飯比較好味. 不過, 她不知道太興跟大家樂的價錢相爭頗遠呢. 於是牛太靜靜地叫牛生到大家樂就可以, 以為這樣可以瞞過她. 外賣飯盒吃到一半時, 小姐問: 「媽咪, 點解係大家樂, 唔係太興架!」牛太很意外, 難道她會從味道分辨出嗎?! 她說:「呢度(個袋)有個大字丫麻, 即係大家樂啦, 同埋呢度係三個字, 唔係兩個字, 太字唔係咁寫架麻!」
佩服佩服!
cc: 「唔好啦, 契媽知我鐘意貼紙呀!唔怕啦, 契媽有返工, 有賺錢架麻」
牛太:「咁都唔駛買咁貴啦!」
cc:「唔貴.. 可能就買唔到米老鼠.... 我最多唔會浪費啦.」
牛太心想: 貼紙根本就係浪費品!
現在牛太在購物後都會借機教導小姐, 那些是必需品, 那些是想要的. 小姐的波鞋不合穿, 牛太主動帶她去買.
牛太: 「波鞋係必需品定想要呀?」
cc:「必需品」
牛太:「係啦, 必需品, 你唔要求, 媽咪都會買比你」
cc:「咁點解你唔買有輪果d 波鞋比我呀!」
她的意思是, 予其也要買鞋給她, 為何不買有輪的, 這既符合「必需品」, 又能夠滿足她「想要」的慾望.
牛太:「你條腸腸(攬枕)有無名架? 叫乜名?」
cc:「無架」
牛太: 「咁咪就係叫鄧腸腸law!咁我果條呢?」
cc: 「柯腸腸」
牛太:「咁daddy, 婆婆, 同姐姐果條呢?」
cc:「浩腸腸, 婆婆腸同埋... 肥腸腸!」
小姐在電話一輪咀不停講, 牛太回應了兩句後---
cc:「媽咪, 我未講完呀, 你要等我講完你先好講, 老師話咁樣係唔岩架!」
暈低!
另外, 牛太很欣賞小姐有個經常保持清醒的腦袋. 自從第一次溜冰堂後, 家中各人都很少再提她星期二有溜冰堂. 不過, 她仍然知道幾時是星期二.
有個星期一晚上:
cc:「媽咪, 聽日有得溜冰呀!」
牛太:「係咩? 邊個話你知架?」
cc:「聽日星期二丫麻, 唔駛講都知.」
牛太:「我以為你學完咋, 乜未架咩?」
cc:「我都未學識!」
牛太:「係咩, 你唔係話你識啦咩? 」
cc:「咁呀, d 哥哥姐姐識左都繼續學啦, 有好多野學架麻, 向後呀, 轉圈呀......」
真的休想欺騙她!
有個周末早上到公園玩後, 回家己經是中午時份. 牛太叫牛生到大家樂買外賣飯盒回來吃, 免得要去等位. 小姐聽到吃大家樂後, 就說要吃太興, 因為太興的飯比較好味. 不過, 她不知道太興跟大家樂的價錢相爭頗遠呢. 於是牛太靜靜地叫牛生到大家樂就可以, 以為這樣可以瞞過她. 外賣飯盒吃到一半時, 小姐問: 「媽咪, 點解係大家樂, 唔係太興架!」牛太很意外, 難道她會從味道分辨出嗎?! 她說:「呢度(個袋)有個大字丫麻, 即係大家樂啦, 同埋呢度係三個字, 唔係兩個字, 太字唔係咁寫架麻!」
佩服佩服!
Friday, September 23, 2011
溜冰記
牛太已經忘記小姐是何時開始要求學溜冰. 大概時今年復活節左右吧!
暑假前, 牛太得知溜冰學校會有summer course, 價錢又不算太貴, 時間上又可以配合得到, 便替小姐報名參加. 但為了顯示她對學溜冰的熱誠, 牛太開出了三個條件, 要做得到才會讓她參加. 第一, 是午睡時不用姐姐陪. 二. 參加兒童崇拜亦不用媽咪陪. 第三... 牛太忘記了:p. 要獨立生存是小姐的弱項, 三歲半的她, 仍然很希望媽媽可以陪上兒崇. 估不到, 因為可以溜冰, 她一次過戒掉了兩個習慣. 既然她做得到, 牛太亦遵守承諾, 讓她學習溜冰.
6堂的暑期班分別在兩星期內進行. 爛玩不怕死的小姐在第3堂己經掌握到平衡, 不用扶著欄在場內溜來溜去. 跌倒就算痛也沒有哭, 站起來後又再玩過. 6堂過去, 小姐當然希望繼續學. 但這是一個很頭痛的要求. 如果不是妹妹快出生的話, 平日下午大可以要求姐姐帶她到溜冰場. 但到妹妹出世後, 難道要姐姐帶著兩個小孩乘地鐵到溜冰場嗎? 幸好, 教練安排到在週二晚上7時上課, 這樣, 姐姐或婆婆只要帶小姐到油塘站等媽咪, 牛太就可以帶她去上堂. 不過, 在上堂前, 牛太又提出了要求. 就是她在兒童崇拜將要升班, 而教會亦安排在崇拜的後半段將要升班的小朋友帶到新的課室, 讓他們適應一下. 牛太要求她在轉班時亦不要媽媽陪, 能夠和其他小朋友一樣, 獨個兒參加崇拜. 轉換新環境又是小姐的弱項, 這是兒童崇拜導師們都知道的. 誰知第一次轉班她很快便適應, 新班的導師還以為她本身就是很獨立. 看來, 溜冰的威力真大.
過去的星期二是小姐重新上課的日子. 是一個她期待己久的日子. 平日, 她午睡起碼要個半小時, 還要姐姐不停叫她才肯起床. 那天, nap 了一小時就自動彈起, 她告訴媽媽: 「你平時話呢, 午睡唔好瞓咁耐, 唔係夜晚就唔瞓, 瞓一個鐘就好啦! 我今日有聽你話呀! 我頭先打比daddy, 話比daddy 知, 我做完功課就換衫出發架啦!」出發? 不是吧, 才三時多, 要六點才出發呀! 在這三小時內, 牛太都計不到她撥了多少個電話給媽媽. 大概是五分鐘一次. 最後牛太唯有打發她去看電視, 電話才停下來. 不過根據婆婆的報告, 她看電視時都心不在焉. 牛太在往油塘的路上, 又收到小姐的話:「媽咪.. 點解你咁耐仲未放工架, 我好掛住你呀!」媽咪:「你掛我.. 帶你去溜冰麻.. 我走左架啦, 你都可以出發!」然後, 電話筒傳來一聲尖叫聲 -___-". 在油塘接過小姐後, 牛太問她餓不餓, 她說肚餓, 牛太表示有麵包給她吃. 但她的心己經飛到冰場. 當她聽到地鐵的廣播: 「下一站係quarry bay」就說:「我唔食住啦, 等落車先啦」「好耐先到站架, 食少少啦」「唔好啦」不過可能太肚餓, 轉頭要求媽媽給她麵包. 吃了一口後又說「等落車先食啦」. 如是者, 分開幾次咬了數口麵包. 到達太古站後, 她本來又要求吃包, 但後來又說等到入溜冰場才吃. 誰知, 在路上她又分開數次吃了餘下的包. 作為媽媽的, 覺得她很好笑, 但又顯示出她真的很期待.
換上鞋後還未夠鐘上堂, 於是便讓她進場自己玩下. 個多月沒有練習, 起初還是不習慣, 不過不到十分鐘, 她己記得應該怎樣做, 果然是一隻爛玩精.
雖然婆婆經常投訴這活動很無謂, 將來妹妹出生, 牛太要放下妹妹給工人姐姐照顧然後帶小姐去堂, 這些課外活動可有可無, 讓她去學游水或跳舞都是一樣. 而究竟她為什麼會愛上溜冰呢? 完全不得而知. 為何在一個固定範圍內溜來溜去就覺得很開心呢? 穿上溜冰鞋後腳又痛又不志在. 不過, 牛太覺得, 概然她是如此喜歡, 能力範圍又不是做不到, 就讓她學習吧! 其他運動, 都要她願意, 否則她很易半途而廢. 雖然至今牛太仍不明白溜冰的好處, 但明白及回應女兒所想所要的, 是她真正擁有的幸福.
暑假前, 牛太得知溜冰學校會有summer course, 價錢又不算太貴, 時間上又可以配合得到, 便替小姐報名參加. 但為了顯示她對學溜冰的熱誠, 牛太開出了三個條件, 要做得到才會讓她參加. 第一, 是午睡時不用姐姐陪. 二. 參加兒童崇拜亦不用媽咪陪. 第三... 牛太忘記了:p. 要獨立生存是小姐的弱項, 三歲半的她, 仍然很希望媽媽可以陪上兒崇. 估不到, 因為可以溜冰, 她一次過戒掉了兩個習慣. 既然她做得到, 牛太亦遵守承諾, 讓她學習溜冰.
6堂的暑期班分別在兩星期內進行. 爛玩不怕死的小姐在第3堂己經掌握到平衡, 不用扶著欄在場內溜來溜去. 跌倒就算痛也沒有哭, 站起來後又再玩過. 6堂過去, 小姐當然希望繼續學. 但這是一個很頭痛的要求. 如果不是妹妹快出生的話, 平日下午大可以要求姐姐帶她到溜冰場. 但到妹妹出世後, 難道要姐姐帶著兩個小孩乘地鐵到溜冰場嗎? 幸好, 教練安排到在週二晚上7時上課, 這樣, 姐姐或婆婆只要帶小姐到油塘站等媽咪, 牛太就可以帶她去上堂. 不過, 在上堂前, 牛太又提出了要求. 就是她在兒童崇拜將要升班, 而教會亦安排在崇拜的後半段將要升班的小朋友帶到新的課室, 讓他們適應一下. 牛太要求她在轉班時亦不要媽媽陪, 能夠和其他小朋友一樣, 獨個兒參加崇拜. 轉換新環境又是小姐的弱項, 這是兒童崇拜導師們都知道的. 誰知第一次轉班她很快便適應, 新班的導師還以為她本身就是很獨立. 看來, 溜冰的威力真大.
過去的星期二是小姐重新上課的日子. 是一個她期待己久的日子. 平日, 她午睡起碼要個半小時, 還要姐姐不停叫她才肯起床. 那天, nap 了一小時就自動彈起, 她告訴媽媽: 「你平時話呢, 午睡唔好瞓咁耐, 唔係夜晚就唔瞓, 瞓一個鐘就好啦! 我今日有聽你話呀! 我頭先打比daddy, 話比daddy 知, 我做完功課就換衫出發架啦!」出發? 不是吧, 才三時多, 要六點才出發呀! 在這三小時內, 牛太都計不到她撥了多少個電話給媽媽. 大概是五分鐘一次. 最後牛太唯有打發她去看電視, 電話才停下來. 不過根據婆婆的報告, 她看電視時都心不在焉. 牛太在往油塘的路上, 又收到小姐的話:「媽咪.. 點解你咁耐仲未放工架, 我好掛住你呀!」媽咪:「你掛我.. 帶你去溜冰麻.. 我走左架啦, 你都可以出發!」然後, 電話筒傳來一聲尖叫聲 -___-". 在油塘接過小姐後, 牛太問她餓不餓, 她說肚餓, 牛太表示有麵包給她吃. 但她的心己經飛到冰場. 當她聽到地鐵的廣播: 「下一站係quarry bay」就說:「我唔食住啦, 等落車先啦」「好耐先到站架, 食少少啦」「唔好啦」不過可能太肚餓, 轉頭要求媽媽給她麵包. 吃了一口後又說「等落車先食啦」. 如是者, 分開幾次咬了數口麵包. 到達太古站後, 她本來又要求吃包, 但後來又說等到入溜冰場才吃. 誰知, 在路上她又分開數次吃了餘下的包. 作為媽媽的, 覺得她很好笑, 但又顯示出她真的很期待.
換上鞋後還未夠鐘上堂, 於是便讓她進場自己玩下. 個多月沒有練習, 起初還是不習慣, 不過不到十分鐘, 她己記得應該怎樣做, 果然是一隻爛玩精.
雖然婆婆經常投訴這活動很無謂, 將來妹妹出生, 牛太要放下妹妹給工人姐姐照顧然後帶小姐去堂, 這些課外活動可有可無, 讓她去學游水或跳舞都是一樣. 而究竟她為什麼會愛上溜冰呢? 完全不得而知. 為何在一個固定範圍內溜來溜去就覺得很開心呢? 穿上溜冰鞋後腳又痛又不志在. 不過, 牛太覺得, 概然她是如此喜歡, 能力範圍又不是做不到, 就讓她學習吧! 其他運動, 都要她願意, 否則她很易半途而廢. 雖然至今牛太仍不明白溜冰的好處, 但明白及回應女兒所想所要的, 是她真正擁有的幸福.
Monday, September 12, 2011
小姐之笑話(十八)
有日在太興吃下午茶, 牛生點了公仔麵, 牛太向小姐介紹這碗叫公仔麵. 小姐的即時反應是: 「都無公仔既, 點會係公仔麵呀!」
k2 開學後, 小姐在學校午膳的速度很慢, 上學期是1時半前會回到牛棚, 現在很多時都要1:45, 有一天甚至是1:50. 回家後, 小姐致電媽媽說: 「我想睇完電視先瞓呀!」為免養成這個習慣, 牛太斷然拒絕, 並說:「如果你唔眼瞓, 就請你返學校繼續上英文班啦」cc: 「我唔係唔眼瞓, 我都眼瞓, 但個問題係呢, 我想睇完先瞓.」牛太在電話的另一邊已經笑到反肚:「咁我話個答案你知, 總知2點就要去瞓, 如果唔係就叫姐姐帶你返學校架啦!」這位小姐確實很須要明確的指引, 清楚給她下定界線. 結果, 2時正她就關掉電視午睡去.
中秋節的前夕, 牛太與娘家家人做節, 晚餐的main course 中有薯條, 這本是小姐的至愛, 可能她已經吃得很飽, 當表哥請她吃時她亦無動於衷, 表哥問牛太cc 為何不吃, 牛太說: 「一來佢飽啦, 二來我地今日中午食左麥叔叔, 1日食1次薯條都好夠架啦!」小姐立刻插咀:「媽咪, 咁點解你又食呀!」所以這証明, 在小孩面前, 身教實在很重要, 言教跟身教不配合的話, 他們是會知道, 並且以後不會聽從大人的說話.
晚飯後, 大家一起到商場的最頂層去取雪糕月餅. 她一邊行一邊說:「點解咁耐仲未到架!」因她實在很心急想取得雪糕. 牛太回應:「要食就緊係要付出下架啦, 唔係邊有得食呀, 呢個世界不勞而獲架.」小姐突然爆出一句:「媽咪, 我覺得你講得好岩!」
為了令小姐肯去嘗試吃不同的水果, 媽媽讓她在超巿裡自行買一款未吃過的. 她的即時反應是:「唔係一定要買水果架麻, 買其他野新野都得架」牛太實在很明白女兒的鬼主意:「我知丫, 你最想買d 未食過既糖、朱古力同雪糕丫麻, 呢d 係你既至愛」小姐:「哈哈哈哈, 我真係好鐘意食呢d野架!」
自從暑假時上過溜冰班後, 小姐更加愛上溜冰. 為了可以繼續上堂, 她把媽媽發出的條件一一做到. 但學溜冰實在很花人力, 畢竟這不是在牛棚附近可以學到, 每星期都要安排人手帶她去上堂. 為了使她死心, 牛太多次問她, 不如學跳舞, 都是一樣吧! 但小姐始終是選擇溜冰. 有天, 她對媽媽說: 「我想兩樣都學喎!」牛太:「唔得喎, 學一樣就夠啦!」小姐又發揮鐵咀雞的本色:「咁我仲有學畫畫, 同埋你又話要學英文, 都唔止一樣啦!」
k2 開學後, 小姐在學校午膳的速度很慢, 上學期是1時半前會回到牛棚, 現在很多時都要1:45, 有一天甚至是1:50. 回家後, 小姐致電媽媽說: 「我想睇完電視先瞓呀!」為免養成這個習慣, 牛太斷然拒絕, 並說:「如果你唔眼瞓, 就請你返學校繼續上英文班啦」cc: 「我唔係唔眼瞓, 我都眼瞓, 但個問題係呢, 我想睇完先瞓.」牛太在電話的另一邊已經笑到反肚:「咁我話個答案你知, 總知2點就要去瞓, 如果唔係就叫姐姐帶你返學校架啦!」這位小姐確實很須要明確的指引, 清楚給她下定界線. 結果, 2時正她就關掉電視午睡去.
中秋節的前夕, 牛太與娘家家人做節, 晚餐的main course 中有薯條, 這本是小姐的至愛, 可能她已經吃得很飽, 當表哥請她吃時她亦無動於衷, 表哥問牛太cc 為何不吃, 牛太說: 「一來佢飽啦, 二來我地今日中午食左麥叔叔, 1日食1次薯條都好夠架啦!」小姐立刻插咀:「媽咪, 咁點解你又食呀!」所以這証明, 在小孩面前, 身教實在很重要, 言教跟身教不配合的話, 他們是會知道, 並且以後不會聽從大人的說話.
晚飯後, 大家一起到商場的最頂層去取雪糕月餅. 她一邊行一邊說:「點解咁耐仲未到架!」因她實在很心急想取得雪糕. 牛太回應:「要食就緊係要付出下架啦, 唔係邊有得食呀, 呢個世界不勞而獲架.」小姐突然爆出一句:「媽咪, 我覺得你講得好岩!」
為了令小姐肯去嘗試吃不同的水果, 媽媽讓她在超巿裡自行買一款未吃過的. 她的即時反應是:「唔係一定要買水果架麻, 買其他野新野都得架」牛太實在很明白女兒的鬼主意:「我知丫, 你最想買d 未食過既糖、朱古力同雪糕丫麻, 呢d 係你既至愛」小姐:「哈哈哈哈, 我真係好鐘意食呢d野架!」
自從暑假時上過溜冰班後, 小姐更加愛上溜冰. 為了可以繼續上堂, 她把媽媽發出的條件一一做到. 但學溜冰實在很花人力, 畢竟這不是在牛棚附近可以學到, 每星期都要安排人手帶她去上堂. 為了使她死心, 牛太多次問她, 不如學跳舞, 都是一樣吧! 但小姐始終是選擇溜冰. 有天, 她對媽媽說: 「我想兩樣都學喎!」牛太:「唔得喎, 學一樣就夠啦!」小姐又發揮鐵咀雞的本色:「咁我仲有學畫畫, 同埋你又話要學英文, 都唔止一樣啦!」
Wednesday, August 24, 2011
妹妹的新衣
再一次証明, 香港實在是物資氾濫的地方.
左邊的衣服, 單是襪都超過60對, 有許多還是新的. 和尚袍和初生夾衣分別都有超過50件. 足足足夠2個初生嬰兒所需. 這些物主主要是來自牛太的兄妹及大食怪太太妹妹的朋友. 最搞笑的是, 有部份是cc的初生衣服, 之後轉手給意粉和虎虎. 現在又回歸予細小姐, 更有趣的, 有幾件是Edwin 穿過的, 然後到cc, 接著是意粉, 現在又落在細小姐身上.
經過一輪執拾, 牛太把3大袋衣服回贈給阿哥. 因為他的學生也快將加入為人父母行列.
天父的預備很足夠, 今次, 牛太連一件衣服都不用買. 感謝主!
Friday, August 19, 2011
小姐之笑話(十七)
有個週末, 在會所泳池游完水後,
牛太對小姐說: 「唔入更衣室換衫啦, 包條毛巾, 等daddy 抱你快快趣趣上返去, 因為要趕住去睇中醫呀!」
然後, 待牛生抺好身穿衣後, 就叫小姐: 「行啦」
小姐: 「你抱我呀, 媽咪話快快趣趣呀!」
回家洗白白時, 牛太向她解釋, 因為泳池水很多細菌, 所以回家第一件事就要沖涼.
小姐: 「咁第二件事呢?」
當牛太的肚一日一日大, 小姐黏身程度就與日俱增. 牛太估計, 當妹妹出世後她, 她會更加黏著媽媽. 於是牛太告訴她: 「第日邊個得閒湊你去學畫/音樂堂就邊個湊, 無得揀呀!」 小姐, 想也不用想就說:「或者妹妹唔鐘意媽咪呢!」牛太的轉數不及女兒快, 還回應: 「係law, 或者佢鐘意daddy 抱呢」小姐: 「係law, 佢唔鐘意媽咪架!」
有日, 牛太透過webcam 見到小姐在看電話. 於是致電回家
牛太: 「cc, 你做左功課未呀?」
cc: 「未呀」
牛太: 「咁仲唔做? 你都睇左好耐電視啦喎」
cc: 「我想睇完電視先呀」
牛太: 「陳老師有無同你講, 要做完先玩」
cc: 「我諗下先... 佢唔記得講」
牛太: 「咁k1陳老師都有教你架」
cc 「咁k2 陳老師無講丫麻」
cc: 「表哥學畫畫, 我又有學畫畫; 表哥學溜冰, 我又有學溜冰; 表哥學琴, 我又有去學琴; 但表哥學游水, 我就唔想, 媽咪, 我想學跳舞.」
牛太: 「你諗清楚, 想學跳舞定溜冰, 是但揀一樣」
cc: 「因為點解呀? 我想兩樣都學喎」
牛太: 「一來無咁多時間, 二來我無咁多錢」
cc: 「咁叫舅父比law!」
事源是, 小姐的暑期溜冰班是舅父代為執名及繳交學費. 所以, 小姐以為其他的課外活動都可以叫舅父交.
牛太對小姐說: 「唔入更衣室換衫啦, 包條毛巾, 等daddy 抱你快快趣趣上返去, 因為要趕住去睇中醫呀!」
然後, 待牛生抺好身穿衣後, 就叫小姐: 「行啦」
小姐: 「你抱我呀, 媽咪話快快趣趣呀!」
回家洗白白時, 牛太向她解釋, 因為泳池水很多細菌, 所以回家第一件事就要沖涼.
小姐: 「咁第二件事呢?」
當牛太的肚一日一日大, 小姐黏身程度就與日俱增. 牛太估計, 當妹妹出世後她, 她會更加黏著媽媽. 於是牛太告訴她: 「第日邊個得閒湊你去學畫/音樂堂就邊個湊, 無得揀呀!」 小姐, 想也不用想就說:「或者妹妹唔鐘意媽咪呢!」牛太的轉數不及女兒快, 還回應: 「係law, 或者佢鐘意daddy 抱呢」小姐: 「係law, 佢唔鐘意媽咪架!」
有日, 牛太透過webcam 見到小姐在看電話. 於是致電回家
牛太: 「cc, 你做左功課未呀?」
cc: 「未呀」
牛太: 「咁仲唔做? 你都睇左好耐電視啦喎」
cc: 「我想睇完電視先呀」
牛太: 「陳老師有無同你講, 要做完先玩」
cc: 「我諗下先... 佢唔記得講」
牛太: 「咁k1陳老師都有教你架」
cc 「咁k2 陳老師無講丫麻」
cc: 「表哥學畫畫, 我又有學畫畫; 表哥學溜冰, 我又有學溜冰; 表哥學琴, 我又有去學琴; 但表哥學游水, 我就唔想, 媽咪, 我想學跳舞.」
牛太: 「你諗清楚, 想學跳舞定溜冰, 是但揀一樣」
cc: 「因為點解呀? 我想兩樣都學喎」
牛太: 「一來無咁多時間, 二來我無咁多錢」
cc: 「咁叫舅父比law!」
事源是, 小姐的暑期溜冰班是舅父代為執名及繳交學費. 所以, 小姐以為其他的課外活動都可以叫舅父交.
Friday, August 5, 2011
小姐之笑話(十六)
在飛機上, 牛太趁空檔敷面膜. 小姐第一次見媽咪如此舉動, 嚇傻了, 不停要求媽咪除下來.
前幾天, 牛太與小姐在油玻璃彩(質地有點似水彩), 用白色塗在太陽伯伯的臉上. 小姐說: 「媽咪, 太陽伯伯好似你敷mask 咁呀!」
cc: 「媽咪, 陳老師教我地要互相尊重」
牛太:「咁你知唔知尊重點解呀」
cc:「唔知呀」
牛太:「即係例如, 你想請媽咪食糖, 媽咪唔想食, 我知你想同我分享, 但媽咪可能唔舒服, 可能飽, 唔想食, 咁你唔好迫我, 係都要我食. 咁就叫尊重啦」
cc: 「咁下次呢, 我想食糖, 你就要請我食, 唔好唔比, 咁即係尊重啦!」
..............................
cc:「媽咪, 我唔想我大個時你就死呀... 我想切埋蘋果比你食先呀! 」
話說, 牛生曾經告訴她, 她長大時, 父母就老了, 要返天堂跟耶誕一起住. 另外, 她經常要求想自己切蘋果. 牛太告訴她, 升小學就可以做. 於是, 小姐將兩者聯起來.
牛太「快d 飲埋d 涼茶啦」
cc:「唔好啦, 一陣先」:
我: 「咁即係幾時」
cc: 「一陣就係一陣」
cc: 「媽咪, 點蟲蟲, 蟲蟲唔識飛架, 蟲蟲係爬架. 我要話比姨姨聽, 叫佢唔好再教虎虎點蟲蟲, 蟲蟲飛, 咁樣會教壞虎虎架!」
搭lift時最好先找個麻包袋袋好小姐, 又或者封著她的咀巴.
小姐看到2個哥哥和他們的父母入lift
cc: 「點解佢地咁大個仲用水泡既」
牛太只好說: 「佢地鐘意用law」
前幾天, 牛太與小姐在油玻璃彩(質地有點似水彩), 用白色塗在太陽伯伯的臉上. 小姐說: 「媽咪, 太陽伯伯好似你敷mask 咁呀!」
cc: 「媽咪, 陳老師教我地要互相尊重」
牛太:「咁你知唔知尊重點解呀」
cc:「唔知呀」
牛太:「即係例如, 你想請媽咪食糖, 媽咪唔想食, 我知你想同我分享, 但媽咪可能唔舒服, 可能飽, 唔想食, 咁你唔好迫我, 係都要我食. 咁就叫尊重啦」
cc: 「咁下次呢, 我想食糖, 你就要請我食, 唔好唔比, 咁即係尊重啦!」
..............................
cc:「媽咪, 我唔想我大個時你就死呀... 我想切埋蘋果比你食先呀! 」
話說, 牛生曾經告訴她, 她長大時, 父母就老了, 要返天堂跟耶誕一起住. 另外, 她經常要求想自己切蘋果. 牛太告訴她, 升小學就可以做. 於是, 小姐將兩者聯起來.
牛太「快d 飲埋d 涼茶啦」
cc:「唔好啦, 一陣先」:
我: 「咁即係幾時」
cc: 「一陣就係一陣」
cc: 「媽咪, 點蟲蟲, 蟲蟲唔識飛架, 蟲蟲係爬架. 我要話比姨姨聽, 叫佢唔好再教虎虎點蟲蟲, 蟲蟲飛, 咁樣會教壞虎虎架!」
搭lift時最好先找個麻包袋袋好小姐, 又或者封著她的咀巴.
小姐看到2個哥哥和他們的父母入lift
cc: 「點解佢地咁大個仲用水泡既」
牛太只好說: 「佢地鐘意用law」
Tuesday, July 26, 2011
小姐之笑話(十五)
有位小朋友想扭媽媽買玩具.
媽媽: 我無錢啦, 買左貼紙比你, 又有夾夾
cc: 咁你日日都有返工架麻, 應該日日都有錢架麻!
又一次想媽媽買東西
媽媽: 我銀包無錢啦
cc: 咁去銀行禁啦! 呢, 果度就係銀行!
有天小姐穿起球衣.
媽媽: 記唔記得係邊隊球隊..
cc: 唔記得.
媽媽: 巴
cc: 巴斯光年隊!
有天牛太帶同小姐去產檢. 之後又要帶她看兒科.
媽媽: 不如一陣你叫醫生開埋藥比你咪得law, 咁我唔駛又帶你去睇醫生.
cc: 唔得架! 我個肚都無bb, 一陣比醫生知道會鬧我架!
最好笑是, 牛太從沒有提過那是個婦產科醫生, 是她自己從觀察知道的.
媽媽: 我無錢啦, 買左貼紙比你, 又有夾夾
cc: 咁你日日都有返工架麻, 應該日日都有錢架麻!
又一次想媽媽買東西
媽媽: 我銀包無錢啦
cc: 咁去銀行禁啦! 呢, 果度就係銀行!
有天小姐穿起球衣.
媽媽: 記唔記得係邊隊球隊..
cc: 唔記得.
媽媽: 巴
cc: 巴斯光年隊!
有天牛太帶同小姐去產檢. 之後又要帶她看兒科.
媽媽: 不如一陣你叫醫生開埋藥比你咪得law, 咁我唔駛又帶你去睇醫生.
cc: 唔得架! 我個肚都無bb, 一陣比醫生知道會鬧我架!
最好笑是, 牛太從沒有提過那是個婦產科醫生, 是她自己從觀察知道的.
沙巴之旅
計劃這次旅行, 緣於妹妹將要出世, 接下來的兩年都未必可以遠行, 所以趁著暑假, 帶小姐到一個比較安全及舒服的地方玩幾日. 牛生牛太好幾年前曾到訪過沙巴, 回想這裡是小朋友渡假的好地方, 只要住近巿區的resort, 就不用舟車勞頓, 這也適合懷孕中的牛太. 牛太又特別每天只安排半天活動, 例如第二天早上出島玩, 下午午睡後就到巿區逛逛和醫肚, 第三天則是早上在resort 裡hea, 待小姐叉電後下午乘車到郊外看螢火蟲,. 這樣大人又不用辛苦, 小朋友叉好電後不會扭計.
經過今次旅行, 牛太發現cc 長大了不少:
- 由於早上8點的航班, 即使乘的士到機場, 亦要5時半起床, 幸好, cc 天生爛玩, 早起的她半點怨言也沒有. 在機上吃過早餐後很快就睡去, 半小時後起來, 之後一直都能安坐在椅裡玩填色遊戲.
- 知道要在酒店過夜, 起初也有要求要回家裡睡, 經過牛太一輪解釋後, 她亦能明白及接受, 整夜都能夠安睡, 並沒有出現去年在新加坡半夜哭鬧的情況
- 第二天坐快艇到小島沙灘玩, 快艇的速度嚇怕了婆婆, 但小姐竟然不怕. 回程時牛生要求船長駛慢一點, 小姐說: 點解咁慢架, 開快d 啦, 我鐘意快d 呀.
-第三天我們要乘2.5小時車程去看螢火蟲, 回程亦要同樣時間. 我們起初也擔心小姐的耐力. 出乎意料, 去程時她就不停說話, 唱歌, 總知就吱吱喳喳嘈過不停. 回程時, 很快就睡在牛生的懷中, 縱使從車廂抱進酒店時己經弄醒她, 但進到房裡亦能繼續睡. 這是以前不會發生的.
-愛回家的小姐, 在回程的飛機上一直不肯睡, 直至上的士時己經是零晨12時多, 她知道終於可以回家, 就安心去找周公子.
cc 上一次搭飛機剛好是一年前, 真的, 不要少看小朋友的記憶力. 當時只有2歲半的她, 至今還記得:
- 上次搭果架飛機壞左, 要轉機;
- 我乖呢, 瞓醒覺姐姐就會送禮物比我;
- 點解, 上次落左機要響出面等架bb 車, 今次無bb 車...
還有, 她的觀察力亦有明顯進步:
- 下機後, 她看到別人拖著行李箱下機, 她問牛太: 點解人地d 篋可以帶上機, 我地果d 唔得架?
- 拿著自己和媽媽的身份証, 她問: 點解媽咪呢張有相, 我果張無既
小姐愛玩亦愛回家, 幾天裡她都很享受玩樂的過程, 尤其是到島上沙灘餵魚魚. 她知道看完螢火蟲後第二天就會搭機回家, 牛太那晚問她: 不如聽日唔好返香港住, 去島到玩多一日餵魚先返去啦. cc: 唔好啦, 玩左就得架啦, 我好掛住屋企呀! 這個妹妹, 3歲已經有嚴重home sick, 看來將來不適合要做出trip 的工作.
經過今次旅行, 牛太發現cc 長大了不少:
- 由於早上8點的航班, 即使乘的士到機場, 亦要5時半起床, 幸好, cc 天生爛玩, 早起的她半點怨言也沒有. 在機上吃過早餐後很快就睡去, 半小時後起來, 之後一直都能安坐在椅裡玩填色遊戲.
- 知道要在酒店過夜, 起初也有要求要回家裡睡, 經過牛太一輪解釋後, 她亦能明白及接受, 整夜都能夠安睡, 並沒有出現去年在新加坡半夜哭鬧的情況
- 第二天坐快艇到小島沙灘玩, 快艇的速度嚇怕了婆婆, 但小姐竟然不怕. 回程時牛生要求船長駛慢一點, 小姐說: 點解咁慢架, 開快d 啦, 我鐘意快d 呀.
-第三天我們要乘2.5小時車程去看螢火蟲, 回程亦要同樣時間. 我們起初也擔心小姐的耐力. 出乎意料, 去程時她就不停說話, 唱歌, 總知就吱吱喳喳嘈過不停. 回程時, 很快就睡在牛生的懷中, 縱使從車廂抱進酒店時己經弄醒她, 但進到房裡亦能繼續睡. 這是以前不會發生的.
-愛回家的小姐, 在回程的飛機上一直不肯睡, 直至上的士時己經是零晨12時多, 她知道終於可以回家, 就安心去找周公子.
cc 上一次搭飛機剛好是一年前, 真的, 不要少看小朋友的記憶力. 當時只有2歲半的她, 至今還記得:
- 上次搭果架飛機壞左, 要轉機;
- 我乖呢, 瞓醒覺姐姐就會送禮物比我;
- 點解, 上次落左機要響出面等架bb 車, 今次無bb 車...
還有, 她的觀察力亦有明顯進步:
- 下機後, 她看到別人拖著行李箱下機, 她問牛太: 點解人地d 篋可以帶上機, 我地果d 唔得架?
- 拿著自己和媽媽的身份証, 她問: 點解媽咪呢張有相, 我果張無既
小姐愛玩亦愛回家, 幾天裡她都很享受玩樂的過程, 尤其是到島上沙灘餵魚魚. 她知道看完螢火蟲後第二天就會搭機回家, 牛太那晚問她: 不如聽日唔好返香港住, 去島到玩多一日餵魚先返去啦. cc: 唔好啦, 玩左就得架啦, 我好掛住屋企呀! 這個妹妹, 3歲已經有嚴重home sick, 看來將來不適合要做出trip 的工作.
Tuesday, July 5, 2011
另一次奇妙之旅
曾經患有不孕症的人, 能夠自然成孕, 本應是一件很高興的事. 可惜, 今次懷孕的反應實在太大, 大得把所有喜悅都蓋過. 幸好, 來到21周, 終於止嘔了, 心情也好轉. 這個blog 也隨之復活.
在小姐未出世以前, 牛太一直抱著"有一個小朋友己經滿足"的心態. 但隨著小姐長大, 心底裡多渴望cc 能成為姐姐, 有妹妹或弟弟陪伴成長. 以至他日父母百年歸老她仍有家人可以互相支持. 雖然牛太很明白, 一個新生命的來臨會對全家人的生活起了變化, 尤其是cc. 她要由獨佔父母變成分享. 不過, 這也只是短時間的適應, 在成長的日子裡, 二人總比一人好. 於是我們經常都會祈求, 求天父安排小生命再次降臨牛家.
天父應允了禱告, 並且, 很意外地, 性別是牛家上下都很喜歡的女兒. 牛太在思想妹妹的名字時, 想跟家姐"晴天"意思相近, 於是就想起"藍天", 雖然整個名字都很多很多筆劃, 不怕啦, 反正都是要學寫, 多一個不多吧! 哈哈!
跟上次比較, 今次懷孕辛苦很多, 除了嘔吐時間長, 還有要照顧小姐, 使得不可累了就睡, 尾龍骨位又長期疼痛. 牛太盼望快點到十月時晨到就把二小姐生下來, 至少, 身體各樣的不適可以除之而去. 當然, 到時候又要再長期拖欠周公鐘數.
婆婆有時會為著妹妹出世後安排照顧而煩腦. 不過牛太相信, 天父會有合適的預備, 包括人手、經濟等等, 不用為明天憂慮, 一天的難處一天當就夠了.
還有餘下最多16周, 是最後一次懷孕, 希望能好好享受吧!
在小姐未出世以前, 牛太一直抱著"有一個小朋友己經滿足"的心態. 但隨著小姐長大, 心底裡多渴望cc 能成為姐姐, 有妹妹或弟弟陪伴成長. 以至他日父母百年歸老她仍有家人可以互相支持. 雖然牛太很明白, 一個新生命的來臨會對全家人的生活起了變化, 尤其是cc. 她要由獨佔父母變成分享. 不過, 這也只是短時間的適應, 在成長的日子裡, 二人總比一人好. 於是我們經常都會祈求, 求天父安排小生命再次降臨牛家.
天父應允了禱告, 並且, 很意外地, 性別是牛家上下都很喜歡的女兒. 牛太在思想妹妹的名字時, 想跟家姐"晴天"意思相近, 於是就想起"藍天", 雖然整個名字都很多很多筆劃, 不怕啦, 反正都是要學寫, 多一個不多吧! 哈哈!
跟上次比較, 今次懷孕辛苦很多, 除了嘔吐時間長, 還有要照顧小姐, 使得不可累了就睡, 尾龍骨位又長期疼痛. 牛太盼望快點到十月時晨到就把二小姐生下來, 至少, 身體各樣的不適可以除之而去. 當然, 到時候又要再長期拖欠周公鐘數.
婆婆有時會為著妹妹出世後安排照顧而煩腦. 不過牛太相信, 天父會有合適的預備, 包括人手、經濟等等, 不用為明天憂慮, 一天的難處一天當就夠了.
還有餘下最多16周, 是最後一次懷孕, 希望能好好享受吧!
Friday, May 27, 2011
小姐之笑話(十四)
最近虎虎每次一見表姐就飛擒大咬, 有時還將表姐的肥肉搣到又紅又腫. 於是小姐有日對媽媽說: 「媽咪 我想虎虎快d 大個呀!」牛太還以為她想表弟長大可以一起玩. 她繼續說:「我唔想佢搣我呀! 我地今晚祈禱, 求天父叫虎虎快d 大個丫」. 另一次又是同一開場白, 但尾句稍有點不同:「點解虎虎要搣我呀? 我又唔係佢心肝寶貝.」 由於牛太很喜歡跟小姐玩「咬」、「搣」、「切」遊戲. 每當小姐有點不悅時, 牛太會說: 「你係我心肝寶貝麻, 比我咬下啦!」於是, 她就把「搣」跟「心肝寶貝」連線起來.
有日小姐看著舅父的結婚照問: 「表哥同cc 響邊呀?」媽咪:「你地都未出世」cc:「我就響媽咪個肚到, 虎虎響姨姨個肚到, 表哥同意粉就響舅母個肚到... 有你地照顧我地真係好啦!」牛太以為自己聽錯, 著小姐再重覆一次. cc:「我話, 你地照顧得我地好好呀!」牛太聽到後當然很心甜, 然後對女兒說:「可以照顧到你地, 我地都好開心同樂意架!」
小姐有日在辦大事時, 對媽咪說:「如果我跌左落廁所, 你會唔會救返我架?」牛太:「你話呢?」cc: 「會架! 因為我係你個心肝寶貝麻!」
有日小姐看著舅父的結婚照問: 「表哥同cc 響邊呀?」媽咪:「你地都未出世」cc:「我就響媽咪個肚到, 虎虎響姨姨個肚到, 表哥同意粉就響舅母個肚到... 有你地照顧我地真係好啦!」牛太以為自己聽錯, 著小姐再重覆一次. cc:「我話, 你地照顧得我地好好呀!」牛太聽到後當然很心甜, 然後對女兒說:「可以照顧到你地, 我地都好開心同樂意架!」
小姐有日在辦大事時, 對媽咪說:「如果我跌左落廁所, 你會唔會救返我架?」牛太:「你話呢?」cc: 「會架! 因為我係你個心肝寶貝麻!」
Friday, April 29, 2011
小姐之笑話(十三)
擁有管家婆特質的小姐, 在管理家務時往往會爆出很多笑話, 好像:
1. 有個早上, 小姐發現爸爸又將換好的衣服放在梳化上. 於是, 小管家婆對爸爸說: 「daddy... 你又將d 衫放響梳化啦??!!! 你應該好似我咁, 疊好佢, 唔好成日唔記得先得架!」呵呵, 媽媽很多謝小姐主動出手, 媽媽可以省回很多口水.
2. 第二天, 小管家婆在婆婆的房裡發現爸爸亂放的衣服. cc: 「daddy, 點解講極你都係將d 衫亂放既? 你要記住疊好先得架麻!唉!」
3. 在餐廳裡, 牛太正教導cc 簡單的餐桌禮儀. 牛太告訴她, 喝湯時不要發出聲響, 這是沒禮貌的. 於是, 她立刻做出一次正確做法. 接著, 她就對daddy 說: 「cc 唔識, 媽咪就教cc. 而家cc 就教daddy, daddy, 你飲湯都唔可以出聲, 知唔知? 我教左你, 你就要記得啦!」
4. 又是一則發生於小姐與爸爸之間的笑話. 某天沖涼時牛生正戲弄cc, 小姐表現得很不爽, 但是牛生仍在大笑. 小姐說: 「daddy! 我己經嬲緊架啦, 你仲笑我?!」牛太覺得小姐進步了很多, 懂得表達自己的感受而不只於發脾氣. 這是媽媽一直努力教導小姐學習的.
5. 雖然cc 暫時是獨女, 原來她亦懂得與同輩間相處的技巧. 話說有日cc 在表哥家裡玩鋼琴, cc 玩著的同時表哥亦想加入. 當然, 他們是希望獨佔一整座鋼琴而不是一起玩. cc 的反應令牛太覺得很意外. 她對表哥說:「表哥, 你去玩你d 恐龍啦!」竟然懂得用這招耍開表哥, 勁! 不過, 勁還勁, 還是要教導正確分享及禮讓之道.
1. 有個早上, 小姐發現爸爸又將換好的衣服放在梳化上. 於是, 小管家婆對爸爸說: 「daddy... 你又將d 衫放響梳化啦??!!! 你應該好似我咁, 疊好佢, 唔好成日唔記得先得架!」呵呵, 媽媽很多謝小姐主動出手, 媽媽可以省回很多口水.
2. 第二天, 小管家婆在婆婆的房裡發現爸爸亂放的衣服. cc: 「daddy, 點解講極你都係將d 衫亂放既? 你要記住疊好先得架麻!唉!」
3. 在餐廳裡, 牛太正教導cc 簡單的餐桌禮儀. 牛太告訴她, 喝湯時不要發出聲響, 這是沒禮貌的. 於是, 她立刻做出一次正確做法. 接著, 她就對daddy 說: 「cc 唔識, 媽咪就教cc. 而家cc 就教daddy, daddy, 你飲湯都唔可以出聲, 知唔知? 我教左你, 你就要記得啦!」
4. 又是一則發生於小姐與爸爸之間的笑話. 某天沖涼時牛生正戲弄cc, 小姐表現得很不爽, 但是牛生仍在大笑. 小姐說: 「daddy! 我己經嬲緊架啦, 你仲笑我?!」牛太覺得小姐進步了很多, 懂得表達自己的感受而不只於發脾氣. 這是媽媽一直努力教導小姐學習的.
5. 雖然cc 暫時是獨女, 原來她亦懂得與同輩間相處的技巧. 話說有日cc 在表哥家裡玩鋼琴, cc 玩著的同時表哥亦想加入. 當然, 他們是希望獨佔一整座鋼琴而不是一起玩. cc 的反應令牛太覺得很意外. 她對表哥說:「表哥, 你去玩你d 恐龍啦!」竟然懂得用這招耍開表哥, 勁! 不過, 勁還勁, 還是要教導正確分享及禮讓之道.
Wednesday, April 20, 2011
畫畫記
最近牛太替小姐報了另一間畫室學畫. 因為之前的一間, 學費貴之餘, 一小時的課堂裡有15分鐘是讓小朋友玩玩具熱身. 加上, 每次上課後, 小姐總是不知道自己畫了什麼作品. 與其是這樣, 不如轉轉環境.
星期一晚上, 牛太提小姐明日要去新畫室上堂.
cc: :「點解唔去學校隔離果間?」
牛太:「因為果間好貴, 我無錢呀!」
cc:「咁你快d 去賺多d 錢返黎啦」
牛太:「點賺? 你去賺比我洗就差唔多」
接著, 牛太就計算小姐每個月的洗費.
牛太: 「嘩, 我唔駛養你既話, 我就發達啦!」
cc:「你養我你先發達呀!」
全屋人笑到反肚!
星期二的下午, 婆婆帶小姐去堂. 在商場自動電梯上, cc 問婆婆: 「點解呢條電梯同搭地鐵果條唔同既?」
婆婆:「有乜唔同呀?」
cc: 「地鐵果條有人講野, 呢度無law.... 點解會咁既?」
婆婆佩服她的細心.
下課後, 婆婆又接小姐回家. 過馬路前, cc 又問婆婆:「頭先個路牌係講乜架?」
婆婆因著留心過馬路, 沒有為意小姐的提問.
cc: 「婆婆呀, 做乜我問你問題你唔答我呀! 你無禮貌呀!」
婆婆:「我掛住過馬路麻....我頭先無留意到呀, 我聽日去睇完再話你知啦 」
cc: 「咁你記住啦, 記得呀!」
婆婆笑說, 現在帶小姐外出, 要打醒十二分精神, 冷不防小姐一個提問加駁咀真是口啞啞呀!
星期一晚上, 牛太提小姐明日要去新畫室上堂.
cc: :「點解唔去學校隔離果間?」
牛太:「因為果間好貴, 我無錢呀!」
cc:「咁你快d 去賺多d 錢返黎啦」
牛太:「點賺? 你去賺比我洗就差唔多」
接著, 牛太就計算小姐每個月的洗費.
牛太: 「嘩, 我唔駛養你既話, 我就發達啦!」
cc:「你養我你先發達呀!」
全屋人笑到反肚!
星期二的下午, 婆婆帶小姐去堂. 在商場自動電梯上, cc 問婆婆: 「點解呢條電梯同搭地鐵果條唔同既?」
婆婆:「有乜唔同呀?」
cc: 「地鐵果條有人講野, 呢度無law.... 點解會咁既?」
婆婆佩服她的細心.
下課後, 婆婆又接小姐回家. 過馬路前, cc 又問婆婆:「頭先個路牌係講乜架?」
婆婆因著留心過馬路, 沒有為意小姐的提問.
cc: 「婆婆呀, 做乜我問你問題你唔答我呀! 你無禮貌呀!」
婆婆:「我掛住過馬路麻....我頭先無留意到呀, 我聽日去睇完再話你知啦 」
cc: 「咁你記住啦, 記得呀!」
婆婆笑說, 現在帶小姐外出, 要打醒十二分精神, 冷不防小姐一個提問加駁咀真是口啞啞呀!
Tuesday, April 19, 2011
駁咀專家
駁咀是天生的功能, 不用教, 不用學, 到某個年紀, 自然會懂. 跟說謊一樣.
從正面思想, 駁咀都是個腦筋急轉彎的遊戲. 牛太自問轉數不慢, 但有時也鬥不過小姐....
有日, 牛太在吃包, 小姐也想吃.
牛太:「咁你食完就比我啦」
cc: 「都食完咯, 響個肚入面, 仲點比你, 係咪?!」
小姐... 阿媽講錯一個字之麻.. 駛唔駛咁呀?!
又有日, 婆婆對著正看卡通的小姐說話, 但小姐無理會婆婆. 到卡通做完, 婆婆問: 「點解你頭先唔理我, 咁樣唔岩架喎」
cc: 「我睇緊電視, 好忙丫麻」
牛太有次發現有卷已開的廁紙放在洗手盤旁邊, 於是問是小姐是否其傑作.
小姐回覆:「緊係唔係我啦, 只有daddy 先會咁架麻, 係咪?!」
這陣子牛棚樓上的單位正進行裝修, 有日把午睡中的小姐吵醒. cc明顯地對較大的聲浪感到害怕. 那晚睡覺時, 小姐問: 「一陣會唔會有裝修醒嘈醒我架」
牛太:「唔會架, 夜晚唔會裝修」
cc: 「但係我好驚喎」
牛太: 「唔怕啦, 我地祈左禱, 主耶穌會保守你架啦」
cc: 「咁點解下午主耶穌無保守我??????」
牛家各人經常都會請小姐幫忙去取這拿那. 小姐通常都很樂意幫忙. 最近, 如果她不想做的話, 就會說: 「自己的事自己做!」
從正面思想, 駁咀都是個腦筋急轉彎的遊戲. 牛太自問轉數不慢, 但有時也鬥不過小姐....
有日, 牛太在吃包, 小姐也想吃.
牛太:「咁你食完就比我啦」
cc: 「都食完咯, 響個肚入面, 仲點比你, 係咪?!」
小姐... 阿媽講錯一個字之麻.. 駛唔駛咁呀?!
又有日, 婆婆對著正看卡通的小姐說話, 但小姐無理會婆婆. 到卡通做完, 婆婆問: 「點解你頭先唔理我, 咁樣唔岩架喎」
cc: 「我睇緊電視, 好忙丫麻」
牛太有次發現有卷已開的廁紙放在洗手盤旁邊, 於是問是小姐是否其傑作.
小姐回覆:「緊係唔係我啦, 只有daddy 先會咁架麻, 係咪?!」
這陣子牛棚樓上的單位正進行裝修, 有日把午睡中的小姐吵醒. cc明顯地對較大的聲浪感到害怕. 那晚睡覺時, 小姐問: 「一陣會唔會有裝修醒嘈醒我架」
牛太:「唔會架, 夜晚唔會裝修」
cc: 「但係我好驚喎」
牛太: 「唔怕啦, 我地祈左禱, 主耶穌會保守你架啦」
cc: 「咁點解下午主耶穌無保守我??????」
牛家各人經常都會請小姐幫忙去取這拿那. 小姐通常都很樂意幫忙. 最近, 如果她不想做的話, 就會說: 「自己的事自己做!」
Sunday, April 10, 2011
Monday, April 4, 2011
小姐自彈自唱
數星期前有一晚, 小姐突然問媽媽: 我都唔識彈abcs 歌, 你教我丫. 我太心想.. 點教? 牛太教完一晚, 第二晚小姐又再繼續要求媽媽教, 如是者媽媽教了約10次8次, 教她認位置認高低音. 接著, 她就每晚都自行練習一指神功. 媽媽很欣賞她學習的決心及熱誠. 亦更加明白, 如果有天份的話, 成績會事半功倍. 所以, 強迫她去學無興趣的事是很無謂的, 最後只會浪費寶貴的金錢及時間.
Wednesday, March 2, 2011
小姐之笑話(十二)
有日下午, 姐姐在廚房打豆漿, 收音機正開著.
cc: 「婆婆呀, 咁樣都聽唔到啦, 不如熄左去」
婆婆: 「咁好啦, 你幫我熄」
佢去跟姐姐講: 「你搞豆漿好嘈呀, 嘈住婆婆聽收音機」
有一晚臨瞓前:
cc: 「mami, 我下次唔聽話時, 你唔好鬧我啦 」
mami:「 咁你聽我話咪得 」
cc: 「咁我都係會唔聽你話架麻 (好清楚自己既個性) 」
mami:「 咁你唔聽話時, 我點做好呢? 」
cc:「 你自己諗辦法啦, 你咁多辦法 」
有日帶cc 到一位姊妹的新居, 由於姊妹仍未有小孩, 牛太起初擔心小姐會怕陌生. 怎料cc表現得很好, 就算屋內沒有玩具, 她仍然玩得很開心. 事後, 牛太讚她有進步, 叻叻, 想再問她為何不害怕, 她回答: 「唔驚咪唔驚law, 無得解架麻. 」
牛生經常把換好的衣服放在sofa. 有一天小姐問:「 點解daddy 成日將d 衫"pat" 響梳化, 點解講極都唔聽既! 」
小姐是個極度反瞓的人, 她經常由床頭碌到床尾, 又經常負被. 天氣冷時, 牛太怕她半夜會冷病, 所以給她選擇: 1. 瞓床仔就不用著睡袋. 2. 瞓大床就要著睡袋. 這兩個安排明顯她都不喜歡. 最好就是瞓媽咪隔離又不用穿睡袋. 最近天氣暖了, 爸爸問她要瞓床仔或是大床. 她反問爸爸: 「今日凍唔凍呀?」牛生確實不是小姐肚裡的蟲, 回答過後, 小姐就歡天喜地說: 「唔凍咪唔駛著睡袋瞓媽咪隔離囉!」
真蛊惑!
cc: 「婆婆呀, 咁樣都聽唔到啦, 不如熄左去」
婆婆: 「咁好啦, 你幫我熄」
佢去跟姐姐講: 「你搞豆漿好嘈呀, 嘈住婆婆聽收音機」
有一晚臨瞓前:
cc: 「mami, 我下次唔聽話時, 你唔好鬧我啦 」
mami:「 咁你聽我話咪得 」
cc: 「咁我都係會唔聽你話架麻 (好清楚自己既個性) 」
mami:「 咁你唔聽話時, 我點做好呢? 」
cc:「 你自己諗辦法啦, 你咁多辦法 」
有日帶cc 到一位姊妹的新居, 由於姊妹仍未有小孩, 牛太起初擔心小姐會怕陌生. 怎料cc表現得很好, 就算屋內沒有玩具, 她仍然玩得很開心. 事後, 牛太讚她有進步, 叻叻, 想再問她為何不害怕, 她回答: 「唔驚咪唔驚law, 無得解架麻. 」
牛生經常把換好的衣服放在sofa. 有一天小姐問:「 點解daddy 成日將d 衫"pat" 響梳化, 點解講極都唔聽既! 」
小姐是個極度反瞓的人, 她經常由床頭碌到床尾, 又經常負被. 天氣冷時, 牛太怕她半夜會冷病, 所以給她選擇: 1. 瞓床仔就不用著睡袋. 2. 瞓大床就要著睡袋. 這兩個安排明顯她都不喜歡. 最好就是瞓媽咪隔離又不用穿睡袋. 最近天氣暖了, 爸爸問她要瞓床仔或是大床. 她反問爸爸: 「今日凍唔凍呀?」牛生確實不是小姐肚裡的蟲, 回答過後, 小姐就歡天喜地說: 「唔凍咪唔駛著睡袋瞓媽咪隔離囉!」
真蛊惑!
Thursday, February 10, 2011
小姐之笑話(十一)
最近cc 的語言表達進步神速, 而且很幽默呢!
1. 婆婆帶Edwin 和cc 到鰂魚涌公園玩. 離開時, 婆婆想從原路回去. 可是Edwin想帶他們行一條比較快的路回家, 婆婆不肯, 因為要經過多條馬路. Edwin 見麻麻未有接納其意見就發牢騷, 小姐想當和事佬, 就對表哥說:「 算啦, 都落左黎啦, 聽婆婆話啦」
表哥:「呢d唔係講算架, 你應該同我講唔該先岩」(他意思是我帶你行捷徑, 你唔該我先岩)
cc:「算啦, 都落左黎呢度 」
於是.. 由兩麻孫的爭辯演變成表兄妹互不相讓. 最後, 由於小姐的表達能力未及表哥, 只能以喊來示威.
哈, 表哥會否想: 女人真係麻煩, 郁d 就喊!
2. 有晚小姐想蓋媽咪的被, 媽咪告訴她, 她若蓋了媽咪就無被可以用. 小姐說:「我係你個心肝寶貝黎架麻.. 你會鐘意同我share 既」媽咪立即被冧至暈低.
3. 有晚牛生7點就回家. 原來小姐下午致電daddy: 「daddy 呀.. 你今晚唔好ot, 早d 返黎得唔得呀, 你唔好等姨姨走先返黎啦, 我好掛住你呀」今次輪到爸爸被小姐冧暈. 牛太笑說, 現在只有小姐能夠吸引爸爸回家. umm.. 下次如果牛太對牛生有什麼要求, 很簡單, 叫小姐出聲就可以, 實湊效.
4. 早陣子小姐鼻敏感, 每晚牛太都會幫她清潔. 有次牛太自言自語:「唉,點解你咁多鼻涕架」小姐回答:「咁我病丫麻!」
又係喎!
1. 婆婆帶Edwin 和cc 到鰂魚涌公園玩. 離開時, 婆婆想從原路回去. 可是Edwin想帶他們行一條比較快的路回家, 婆婆不肯, 因為要經過多條馬路. Edwin 見麻麻未有接納其意見就發牢騷, 小姐想當和事佬, 就對表哥說:「 算啦, 都落左黎啦, 聽婆婆話啦」
表哥:「呢d唔係講算架, 你應該同我講唔該先岩」(他意思是我帶你行捷徑, 你唔該我先岩)
cc:「算啦, 都落左黎呢度 」
於是.. 由兩麻孫的爭辯演變成表兄妹互不相讓. 最後, 由於小姐的表達能力未及表哥, 只能以喊來示威.
哈, 表哥會否想: 女人真係麻煩, 郁d 就喊!
2. 有晚小姐想蓋媽咪的被, 媽咪告訴她, 她若蓋了媽咪就無被可以用. 小姐說:「我係你個心肝寶貝黎架麻.. 你會鐘意同我share 既」媽咪立即被冧至暈低.
3. 有晚牛生7點就回家. 原來小姐下午致電daddy: 「daddy 呀.. 你今晚唔好ot, 早d 返黎得唔得呀, 你唔好等姨姨走先返黎啦, 我好掛住你呀」今次輪到爸爸被小姐冧暈. 牛太笑說, 現在只有小姐能夠吸引爸爸回家. umm.. 下次如果牛太對牛生有什麼要求, 很簡單, 叫小姐出聲就可以, 實湊效.
4. 早陣子小姐鼻敏感, 每晚牛太都會幫她清潔. 有次牛太自言自語:「唉,點解你咁多鼻涕架」小姐回答:「咁我病丫麻!」
又係喎!
Tuesday, February 1, 2011
駁咀事件簿
牛太最近發現, 其實小朋友會駁咀都是一件好事, 至少証明他們有用腦袋, 有思考.
例子(一):
有晚一家人到舅父家團年, 離開時cc 要求搭的士. 由於牛太不想用錢去衡量事情, 因為她暫時仍未明白貴/平的義意, 最理想是從有沒有須要方面解釋. 牛太向她解釋, 我們人太多, 的士只能坐5個人. 小姐回應: 「咁, daddy 坐前面, 婆婆cc 同媽咪坐後面咪得law.」牛太: 「咁姨姨,姨丈同虎虎點算呀? 咪坐唔落?」 cc:「 咁佢地去搭地鐵咪得law! 」 又係喎! 最後當然都是坐地鐵返歸啦!
例子(二):
有晚婆婆要求小姐給她一對手讓她取暖. 小姐沒有說不行, 但用行動來回應. 她推著暖風機到婆婆腳前, 開啟後就對婆婆說: 「比個暖爐你取暖啦!」
最近牛太常常和小姐一起做家務, 起初只是晾衫, 最近還主動吸塵和拖地. 不要少看她是玩玩下, 她是有文有路, 會搬開一箱二箱玩具出來吸, 見到頭髮又會吸走. 我們常笑姐姐現在有妹仔用了, 出糧時應該分一份給她. 哈哈!
Sunday, January 23, 2011
小姐之笑話(十)
-有日, 牛太請小姐收拾掉在地上的顏色筆. 當她做好後, 牛生又請她收好紙張. 小姐說: 「媽咪淨係叫我執筆, 無叫我執紙呀!」
看! 爸爸在小姐心中多有「威嚴」呀!
-每次, 牛生問小姐想到那間書局看圖書時都是問她: 「你想去綠色果間定係紅色果間呀?」牛生時常忘記女兒已經3歲多, 她是絕對有足夠memory 去記著店名. 有日牛太忍不住出手, 就教小姐, 紅色果間叫大眾書局. 隨即小姐就問: 咁「細眾」呢? 牛太初聽時不明意思, 再聽時就明白, 有「大」就自然有「細」架啦! 牛太很欣賞女兒有用腦啊!
-婆婆很喜歡用錢去衡量食物. 有日她對cc 說: 「d 湯好貴架, 要飲晒去呀!」
cc:「咁好平果d 就唔駛飲晒去」!
哈哈! 今次到婆婆捉蟲!
-有晚爸媽與小姐一同在細枱食飯, 三個人用同一款的碗和吃同一樣的食物.
媽媽說: 「咦, 今晚我地一樣喎!」
cc: 「daddy mami 用筷子, cc 用湯匙」「daddy mami 果d 粉長d, cc 果d 要剪碎」「mami 你講錯啦, 我地唔一樣架!」
雖然比囡囡寸, 不過牛太很喜歡, 因為阿囡有用眼睛去觀察, 腦袋去分析.
-牛太這幾天發高燒, 但小姐仍然想哄下媽媽, 牛太唯有安慰她, 要待媽媽退燒後才可以嗲下. 今晨小姐在睡夢中突然咳得很厲害, 牛太把她抱過來, 她第一句說: 「mami 你好返未呀?」嘩, 聽了這句話實在冧爆. 在半夢半醒間仍然記得mami 生病 (雖則牛太經常懷疑她的腦袋是沒有睡的). 今天午睡醒來第一句又是問媽媽: 「你係咪好返好多啦?我想你快d 好返晒呀」無論平時氣得你半死, 間中聽到這些說話, 她的劣行就會像粉筆紙的抺去.
-最近牛太教小姐說出心裡的感受, 唔開心時不要單發脾氣, 也要告訴別人有什麼事/說話令你唔開心. 小姐都會活學活用的.
有晚她對媽媽說: 「mami 呀, 你咁樣同我講野, 我唔開心架」
媽媽: 「我點講野呀!」
cc: 「我夜晚起身果陣時你叫我瞓返覺law」
媽媽: 「我點講呀」
cc: 「你好惡咁叫我瞓覺啦」
媽媽: 「咁瞓覺就瞓覺啦, 點解你又要坐起身」
cc: 「咁我發夢丫麻」
媽媽:「o我, 咁你坐起身會騷擾我丫麻」
cc:「你咁樣同我講, 我唔開心架」
媽媽: 「咁好啦, 我下次斯文d 講啦」
再次証明.. 她是沒有瞓覺的.... 連半夜阿媽用什麼語氣+什麼說話都記得一清二楚.
看! 爸爸在小姐心中多有「威嚴」呀!
-每次, 牛生問小姐想到那間書局看圖書時都是問她: 「你想去綠色果間定係紅色果間呀?」牛生時常忘記女兒已經3歲多, 她是絕對有足夠memory 去記著店名. 有日牛太忍不住出手, 就教小姐, 紅色果間叫大眾書局. 隨即小姐就問: 咁「細眾」呢? 牛太初聽時不明意思, 再聽時就明白, 有「大」就自然有「細」架啦! 牛太很欣賞女兒有用腦啊!
-婆婆很喜歡用錢去衡量食物. 有日她對cc 說: 「d 湯好貴架, 要飲晒去呀!」
cc:「咁好平果d 就唔駛飲晒去」!
哈哈! 今次到婆婆捉蟲!
-有晚爸媽與小姐一同在細枱食飯, 三個人用同一款的碗和吃同一樣的食物.
媽媽說: 「咦, 今晚我地一樣喎!」
cc: 「daddy mami 用筷子, cc 用湯匙」「daddy mami 果d 粉長d, cc 果d 要剪碎」「mami 你講錯啦, 我地唔一樣架!」
雖然比囡囡寸, 不過牛太很喜歡, 因為阿囡有用眼睛去觀察, 腦袋去分析.
-牛太這幾天發高燒, 但小姐仍然想哄下媽媽, 牛太唯有安慰她, 要待媽媽退燒後才可以嗲下. 今晨小姐在睡夢中突然咳得很厲害, 牛太把她抱過來, 她第一句說: 「mami 你好返未呀?」嘩, 聽了這句話實在冧爆. 在半夢半醒間仍然記得mami 生病 (雖則牛太經常懷疑她的腦袋是沒有睡的). 今天午睡醒來第一句又是問媽媽: 「你係咪好返好多啦?我想你快d 好返晒呀」無論平時氣得你半死, 間中聽到這些說話, 她的劣行就會像粉筆紙的抺去.
-最近牛太教小姐說出心裡的感受, 唔開心時不要單發脾氣, 也要告訴別人有什麼事/說話令你唔開心. 小姐都會活學活用的.
有晚她對媽媽說: 「mami 呀, 你咁樣同我講野, 我唔開心架」
媽媽: 「我點講野呀!」
cc: 「我夜晚起身果陣時你叫我瞓返覺law」
媽媽: 「我點講呀」
cc: 「你好惡咁叫我瞓覺啦」
媽媽: 「咁瞓覺就瞓覺啦, 點解你又要坐起身」
cc: 「咁我發夢丫麻」
媽媽:「o我, 咁你坐起身會騷擾我丫麻」
cc:「你咁樣同我講, 我唔開心架」
媽媽: 「咁好啦, 我下次斯文d 講啦」
再次証明.. 她是沒有瞓覺的.... 連半夜阿媽用什麼語氣+什麼說話都記得一清二楚.
Saturday, January 15, 2011
黑社會+怪獸家長
星期六的早上, 牛太如常到隔離屋苑的暖水池游水. 泳池其中的一項規條是不得在內進行私人教授游水活動. 學游泳的人, 必須透過會所舉班的泳班學水, 父教子或兄教弟除外. 今日一踏進泳池, 牛太已經見到一個教練人士在教一個6,7歲的男孩游水. 他身旁還有2位家長一同游泳. 本來牛太都沒打算去投訴, 不過他們的行為實在太過份, 牛太不得向救生員問過究竟. 救生員哥哥說他們已向會所職員反影. 在牛太再三要求下, 他們再請來職員, 職員向其中一個家長傾談的同時, 那男孩就上到池邊練習泳式的動作, 當職員離開後, 他又再跳進水裡繼續練習蝶式. 牛太在同場的人士傾談, 才知道這家人昨晚已在這裡, 並且有5個家長陪同, 就連業委會主席進來勸阻他們也沒用. 他們不單在泳池裡練水, 最過份是那班陪同在側的大人. 他們組成人肉牆城, 把泳池的1/3 霸佔起來給男孩練習, 一旦有人入侵範圍, 他們就似黑社會般檔著或踢開人, 目的就是讓他可以有條私家泳線. 結果, 原本已細少得可憐的泳池, 扣去一條固定的泳班練習線後, 再被這班人佔去一大部份位置, 而那個教練像稻草人般企在水中心觀察學生的游水, 以及男孩所練習的碟式, 基本上是沒有空位讓人游水. 最令牛太覺得他們怪獸就是, 當牛太跟另一位c9 講及此事時, 那兩個大人就大大聲回應: 我地唔係唔想經會所學游水, 只係full 晒無位, 唔想有人學游水, 你地咪包池law. 邊個泳池無人學游水架! 牛太的懶得跟她理論, 大家跟本是不同level. 泳池沒有這項規條是一件事, 有就要遵守吧! 怎可將自己的須要放得如此大, 而且其行為是嚴重騷擾別人.
接著, 牛太在更衣室再遇見她們, 看她們的對話和打扮, 絕對不是大陸人, 而是很典形的怪獸家長. 當她們離開更衣室, 隨即有管理人員上前跟她們理論, 牛太只聽到其中一句是: 我地有難處, 你地都要體諒先得架. 這句說話不是職員說的, 而是出自怪獸家長的口中. 牛太真的很想譗句: 你個仔第日強姦左人, 你可唔可以同人講因為佢有性須要先?! 做家長的, 怎可教孩子為著目的要不摘手段, 在工作崗位為了向上爬的就見得多, 像他們這樣扭曲事情真是少見, 這是完全沒有品得的行為. 其實很容易想像, 就算這男孩在學術或游泳上得到什麼獎或冠軍, 但他的品格一定有問題. 為了練水家長們已經可以如此, 在其他的事情上亦一樣..
自從為人母後, 牛太越覺得, 越有錢人的地方就沒有道理和教養. 他們很多都會抱著有錢大晒的心態. 怪獸家長愛把孩子打造成天材, 十項全能, 投入大量金錢在他們身上. 但是, 學得這麼多又如何, 課程有幾深又如何, 這班孩子的腦袋只有表面上的知識或技能, 但完全沒有人格可言. 難怪坊間有品格培養班, 不過牛太相信, 進去上堂的人, 下課並不會活學活用, 因為他們的家長所做的跟課程是相反. 身教比言教重要, 這是今日很深的領回.
接著, 牛太在更衣室再遇見她們, 看她們的對話和打扮, 絕對不是大陸人, 而是很典形的怪獸家長. 當她們離開更衣室, 隨即有管理人員上前跟她們理論, 牛太只聽到其中一句是: 我地有難處, 你地都要體諒先得架. 這句說話不是職員說的, 而是出自怪獸家長的口中. 牛太真的很想譗句: 你個仔第日強姦左人, 你可唔可以同人講因為佢有性須要先?! 做家長的, 怎可教孩子為著目的要不摘手段, 在工作崗位為了向上爬的就見得多, 像他們這樣扭曲事情真是少見, 這是完全沒有品得的行為. 其實很容易想像, 就算這男孩在學術或游泳上得到什麼獎或冠軍, 但他的品格一定有問題. 為了練水家長們已經可以如此, 在其他的事情上亦一樣..
自從為人母後, 牛太越覺得, 越有錢人的地方就沒有道理和教養. 他們很多都會抱著有錢大晒的心態. 怪獸家長愛把孩子打造成天材, 十項全能, 投入大量金錢在他們身上. 但是, 學得這麼多又如何, 課程有幾深又如何, 這班孩子的腦袋只有表面上的知識或技能, 但完全沒有人格可言. 難怪坊間有品格培養班, 不過牛太相信, 進去上堂的人, 下課並不會活學活用, 因為他們的家長所做的跟課程是相反. 身教比言教重要, 這是今日很深的領回.
Subscribe to:
Posts (Atom)