家姐的祈禱

在臨近妹妹出生前, 每晚小姐都會主動開聲祈禱, 還會為妹妹及各人禱告.  內容大約如下:

- 為婆婆隻手祈禱, 希望佢快d 好返唔好痛, 可以去買送;
- 為妹妹祈禱, 希望佢唔好踢咁大力, 踢到媽咪好痛;
- 媽咪.. 住1日醫院好啦, 唔好住咁耐;
- 我都想呢, daddy 同妹妹加油打完氣就返黎陪我;
- 天父.. 我想快d 學識煮飯, 到我8歲時, 妹妹就4歲, 咁我可以煮飯佢食.  媽咪已經教左我洗菜架啦, 我只係爭唔識煮飯.. 天父.. 媽咪話我小學時就教我煮架啦, 我都好想快d 煮比妹妹食.  我又己經識整麵包, 蛋糕同埋搓湯圓, 第日我都會教妹妹做架!  仲有呢, 妹妹返到黎屋企, 我都好想試下抱下佢呀.

別以為小姐牙尖咀利, 查實只限於駁咀時.  要她組織一段說話, 她總是漏口一樣: 我我我.. 呢.. 咁..  所以, 當她斷斷續續說出一堆禱文後, 牛太都會重新替她重組句子.  有一晚, 當牛太如常repeat 小姐的祈求時, cc 說: 天父呀, 我求你呢, 叫媽咪快d 明白我講乜, 佢而家就係唔明, 所以講返我講既, 我都想佢明白我呀....

牛太明白, 到細小姐回家後, 大小姐要有很多時間的適應.  不過聽到她主動為妹妹祈禱, 又願意服侍她, 已經是好開始.  牛太每晚最後都會為她們祈禱, 希望她們日後都能相親相愛.