牛年快樂

牛年到, 牛氏家族各成員祝各位好友新年快樂, 身體健康, 大朋友工作順利, 小朋友學業進步, 聽教聽話, 快高長大!

年廿九

馬碲糕已經蒸好兩日, 但要今日才有時間影相..... 顏色和味道都好很prefect, 皆因是盧麻麻的秘方. 今年有工人姐姐切馬碲, 真是很方便呢, 牛太只須要做幾個簡單的步驟就有美味的馬碲糕吃.



今日牛太和家人到哥哥家團年. 嫂嫂以為cc 的裙仔是牛太織. 牛太當然沒有這深厚的功力. 牛太說是整餅那個姨姨織的, 她的反應是o 咀. 哥哥和她都讚嘆生蠔姨姨的手藝, 還說這條裙是無價寶, 有錢都買不到, 在幾個鐘頭裡, 嫂嫂不停足著cc 條裙來看, 口水爭點弄濕cc 的裙裙(說笑). 牛太叫她生多個女, 這條裙就留給她. 她又給一個o 咀的反應. 如果今年年尾手袖還合穿的話, 牛太仍然會給cc 著, 配條tight pants和boot 就得.


cc 的招牌動作 --- 無. 就算爸爸媽媽企在她面前, 問她dad dad ma ma 呢, 她都會做出呢個動作, 激死.

悠閒星期五

以上的組合實在很難得, 十年不逢一潤. 柯家各人掉低工作、另一半、仔仔女女、孫子孫女、 侄仔姨生女來吃一個semi lunch buffet. 所以一定要影張相留念.

妹妹今日收爐, 牛太一早跟妹妹約好, 中午待媽媽湊完Edwin 返學後飲茶再到花墟買花. 而哥哥就想出iphone, 因為他的電話用牛太名登記, 所以一定要牛太到門巿. 本來牛太叫他lunch time出旺角出電話然後一起飲茶, 最後他遊說牛太搭多2個站火車到沙田出電話, 就請阿媽同妹妹們食buffet. 在各人沒有帶同配偶和兒女的情況下, 大家暢所欲言, 結果吃了2小時才埋單, 女士們繼續購物行程, 哥哥就繼續返工. 牛太跟媽媽笑說, 你的兒女個個都唔憂做, 竟然在平日可以陪吃飯. 她回應是只要兒女們陪他, 就算去吃碗魚旦粉都滿足. 收到, 阿女沒太多閒錢經常請阿媽吃buffet, 這些粗重工夫會留待阿仔做.

這籃麵包, 不到十分鐘已經被三兄妹消滅了. 但媽媽一點興趣也沒有.



diy salad.

main course - 牛柳和煎魚

雖然有人請食飯, 雖然幾兄妹傾得很開心, 但牛太個心一直好想回牛棚陪小c 玩, 總覺得放監時掉底她有點虧欠, 沒有太多心情去shopping, 怱怱買完就回家. 未知...這種感覺幾時先會消失呢?

自作孽二

牛棚的焗爐會否好想主人快些回監倉呢? 只要主人放監, 它就要忙過不停, 今日, 足足工作了兩小時, 成個牛棚都充滿牛油味. 明天要去花墟, 後天到哥哥家做節, 星期日要預備封利是. 所以完成這10底cookies 就收爐了. 牛年再繼續努力.

自作孽

莫非牛太應該是牛年出世? 每日都要忙過不停才安落?

查實牛棚一年都不會開一鑊油來炸一次食物, 今次是牛太媽媽說想炸腰果, 牛太又發揮c9 精神, 炸得唔好side, 跟手就炸了樽笑口棗出來, 哈哈.

明天的早餐, 榛子雪紡. 希望工人姐姐口下留情, 不要一次過吃掉1/3, 否則牛太會很肉痛.

大食怪歸還張training chair 給牛太, cc 當新玩具玩, 她一定忘記了半年前曾經日坐夜坐, 以前要大人扶出扶入, 現在出入自如, 玩很得戚呢.

攰爆

坐監時, 1小時變得很漫長, 很辛苦才捱得過那9小時.

放監後, 1天有30小時都不夠用.

不只時間不夠用, 還有是攰爆. 但究竟由起床後做過甚麼, 又說不出, 只是餵cc 吃飯、洗澡、玩下又一天. 不過很明顯, 放監比坐監要用多n 倍精神+體力, 除因cc 是一隻甩繩馬騮外, 牛太又要去做阿茂過手癮. 真是.. 唔抵可憐!

記得n 年前做這個用朱古力漿做的double chocolate muffin 顏色很深, 今次有點像coffee muffin. 下次自己吃時改用dark choco 試下, 因為今次要給edwin, 只可用milk choco.

又放假

返了兩星期工, 又放兩星期假. 牛太計過, 其實這兩星期只是用了約1/3時間工作, 其餘都是處理私事. 這樣的荀工, 食之無味, 棄之可惜. 算, 現在可以自行假釋暫時放監都不錯, 反正牛太很享受全時間湊女的任務.

牛太打算今個假期每早都去游水, 接著想做幾款cookies 送禮和款客 馬碲糕、muffin 和早餐就算, 呀, 還有豆腐花. 今晚終於成功做到薑汁撞奶, 要謝謝大食怪太太多番教路, 原來用高c 奶的成功率會比低b 奶高很多. 牛太媽媽今晚見到碗薑汁, 第一時間的反應是: 你唔係又整呀麻...... 可想而知, 近期牛太做了多少回失敗的薑汁撞奶呢!

牛太放工游水後第一時間就返牛棚見cc. 她見到媽媽回來很開心, 立即跑到門口歡迎, 連工人姐姐要抱她都不肯, 一定要媽媽. 這種感覺很窩心, 亦是每日最想第一時間回牛棚的動力. 媽媽隨即帶她到公園玩, 所以呢, 假釋的日子, cc 是最大受惠者.