當牛生充當c9

星期天牛棚發生了一連串令牛太哭笑不得的事.

話說, 牛太要求牛生到惠康買些橙及芽菜仔. 當牛生回家後, 牛太只發現一袋方包.

牛生: 「惠康d 橙唔靚, 所以無買到」
牛太: 「咁芽菜仔呢」
牛生: 「都係唔靚呀」
牛太: 「咁點解你唔去吉之島買」
牛生: 「無諗過」
牛太心想, 這隻牛真聽話, 要他行去東他便不會行去西!
牛太: 「咁點解唔買其他生果」
牛生: 「無諗過」
牛太心想: 「你個腦用黎諗乜」
牛太: 「咁點解會有袋first choice 既方包」
牛生: 「驚你肚餓要食野」
牛太: 「咁點解唔係去A1 買」
牛生: 「諗唔起有呢間舖頭」
牛太: 「咁你係都拎袋嘉頓啦」
牛生: 「乜有分別架咩, 唔知喎」

為何這個男人永遠將腦袋留在公司裡, 一旦離開了工作的地方, 就連腦袋也放假去.
牛太明白, 在他的世界裡, 生果只有橙、蘋果及梨. 但從不偏食的牛太除了不吃大樹菠蘿外, 所有生果都會放進口. 牛生的腦袋又不會想到, 買不到橙的話太太便沒有生果吃. 牛太只好嘆句: 「世上只有媽媽好!」幸好媽媽現在住得很近, 必要及沒必要時也有媽媽可以依賴.