過去幾天牛太已經開始收到很多給cc 的生日禮物, 當中有一份, 牛太看見時很感動, 覺得同事姨姨很細心. 其實這只是一套很簡單的廚房玩具和很多可以切的食物. 那晚, 小c 竟然可以好安靜地玩新玩具, 不停將蛋、熱狗、方包切完又合, 合完又切, 半個鐘頭內都沒有走過來要求抱, 讓4個大個人可以安安樂樂食一餐飯. 牛太send 個sms 多謝她, 她說知道爸爸媽媽買了個新廚房給小c, 但內裡只有幾舊麵包可以切, 所以就買多些給她切. 牛太和同事姨姨識了11年, 她是另一個department 的秘書, 是近幾年因為其他同事關係才跟她熟絡, 到舊年當她生了小b 後牛太就懷孕, 於是牛太就經常問她湊仔的事. 有時就是這樣, 當大家有了共同話題後就很易混熟, 特別是因為小朋友, 三唔識七都可以搭訕一餐, 哈哈.牛生提議幫小c 影下所有生日禮物. 一定會, 要讓她長大後知道, 有很多愛錫她的人,要懂得感恩.
廚房買回來後有人認頭包底. 早知, 買個貴d 架啦!
10 comments:
o拿o拿o拿，貪心呀...哈哈！呢個已經係豪華版了。現在d細路真幸福，我細個...整濕d粉紅色廁紙扮剁肉餅咋！
呢套野其實係滿足阿媽我多過個女. 講真, 有人包底, 早知買個平民版就真. 乜你細個已經刴肉餅, 我同阿妹好蠢, 玩煮飯仔係搵d 水黎洗碗洗煲洗碟@@
真係好靚呀!
預祝cc 生日快樂, 快高長大, 聽教聽話! ^^
係呀....因為個d有粉紅色廁媳嘛！我會整濕佢跟住剁碎又或者炒囉...哈哈
預祝cc生日快樂，快高長大！
究竟邊個要包底？
兔太，整濕左d廁紙咪一pat野咁囉，重剁到咩？
oyster, 佢整濕o左係一舊，咁咪加多d水濕得然後剁爛佢,碎晒好似肉餅囉，要加dd想像力，因為我玩o既時候得幾歲咋嘛，哈哈！
生蠔 包底果個當然係我個好阿妹啦! 拿, 你而家去廁所拎d 廁紙出黎試下咪知law, 同細少一齊玩, 佢實好開心, 哈哈!
嘩! cc 個玩具咁豪架....羨慕死人啦! 以前陪小皇帝去幼稚園面試, 見過間幼稚園入面有呢d role play 玩具, 當時都不知幾想自己係細路有得玩呀!
係呀, 而家有時見到d 玩具, 自己不知幾想玩.
牛太，細少會剁真肉，過左玩廁紙階段喇
Post a Comment