這是送給心悅妹妹的娃娃裙, 今年年尾應該未合穿, 2-3歲時襯條窄身褲就very 骨啦. 到4歲時當背心著又可以. 希望心悅和她的娘親會喜歡.
這條裙仔是牛太第一次以彈弓腳收針. 提起收針就有點勞氣. 話說牛太一直看不明書的步驟, 而每次跟生蠔太見面亦未有時間去學, 於是牛太就去冷舖問. 這冷舖可算是獨巿, 價錢貴之餘老闆娘的態度也頗寸. 當牛太要求她教收針時, 她說她是不教的, 因為大部人學完一次會忘記, 每次都會要回來再教. 牛太回她: 若果不教收針就應該寫清楚, 不能因為別人忘記而拒絕教別人, 你知道我也會忘記嗎? 我就是因為你寫買冷連教授才來幫襯, 你不教收針, 這條裙仔什埋尾? 就算同一個人來問你n 次你都要教她. 最後她應該是怕了牛太, 免強答應了就說: 你要影圖定教? 影左圖就不教, 教就沒有圖. 真低能, 牛太沒有圖嗎? 看得明就不用來問啦!
事實証明, 牛太的學習能力比別人優勝, 回家後能把三條邊都收好就知. 哈哈!
5 comments:
Thanks Mrs. Cow soooooooo much! SY's ma likes so much.
見面禮????幾時見呀?
唉，我重未開工添，呀SY's ma，裙/背心都有喇，請問你想要咩style呢?牛太係織既，咁我就鉤啦，okay?
哈哈哈哈, 未諗幾時見面喎
條裙仔好靚, 牛太織冷衫有一手!!
但係間舖.....今時今日咁既服務態度...聽執笠!
最低能係影圖就唔教, 教就唔影圖!! 攪得掂就唔駛問呀!!
oyster, 仲有style 揀？我...唔知有咩好揀個喎, 嘻嘻！不過，生蠔姨姨，我...睇中你個攬枕袋...因為每次洗o左佢個套都有一日唔用得，小姐好鍾意攬住佢瞓。
Post a Comment