真相大白

前幾晚, 牛爸爸跟cc 說洗白白玩水水啦. 出奇地cc 不停地叫唔好, 怎也不肯行入廁所. 結果爸爸要虜劫女兒進浴缸. 不過在洗頭時cc 都是不停地爭紥及大叫. 牛生懷疑是工人姐姐幫她沖涼時嚇怕了她. 牛太叫婆婆平日留意下姐姐怎樣幫cc 洗頭. 婆婆經過幾日觀察, 她說小c 並無反抗或喊, 完全發現不到問題. 到昨晚牛太幫cc 沖涼時, cc 仍然很enjoy 整過個程, 包括洗頭. 今日, 爸爸又跟cc 說去洗白白. cc 又說唔好, 跟前幾晚一樣. 媽媽問小c: 咁mimi 幫你沖好無. 小c 立即答好, 她的行動是配合口頭承諾的, 一支箭就衝入廁所. 當媽媽幫她洗頭時, 媽媽問她: dad dad 入黎幫你洗好無呀. cc 答: 唔好呀. 媽媽又問: 咁你係咪好驚dad dad 同你洗頭呀. cc 答: 係呀. 呵呵, 原來女兒不是怕洗頭, 而是怕dad dad 幫她洗頭. 幸好cc 已經可以很清楚表達意願, 否則就是工人姐姐吃了這隻死貓咯.
今晚牛太親自指導牛生洗頭技巧. 結果又發現新大陸. 眾所周知, 小c 的頭髮多到數得出. 但牛生倒洗頭水像倒洗潔精一樣. 救命呀, 難怪一支梘液這麼快就用完, 原來有人倒錢落咸水海. 牛太告訴他, 小c 支梘液是給濕疹b 專用的, 差不多要2條紅衫魚, 麻煩要慳d 洗呀.
所以牛太常說牛生是沒有資格投拆工人姐姐的.