每晚, 婆婆都會向牛太報告小姐整日的表現. 有時會打電話即時滙報, 有時會等牛太回家. 婆婆會將小姐的乖事頑皮事如實品報. 雖然有人說, 不要在小朋友面前講他們的不是. 不過牛太覺得, 如果連家的評語都接受不來, 將來又如何面對老師、同學、上師、同事的批評呢. 有時都不要太過保護, 免得日後承受不了挫折. 牛太亦會很識做, 通常都會首先讚賞她, 再跟她講道理.
前幾日, 牛太問cc: 點呀, 今日係咪乖女?
她立即回應: 我今日唔乖, 無自己行, 要姐姐抱, 因為玩到好攰, 無晒力.
媽媽: 咁, 下次玩既時候, 記得留返D 力行路返屋企, 知唔知呀!
既然小姐都如此坦白, 做媽媽的亦不想責罰她. 其實這位小姐, 從小到大都不太介意父母和婆婆論談她. 小時候, 她未有發言權前, 就會用雙眼盯著你, 現在呢, 經常會問: 婆婆, 你講緊邊個呀? 婆婆問: 你話呢? 小姐: cc 呀!
希望她以後都能保持這顆誠實之心, 可以把自己的開心及不快與父母分享.
No comments:
Post a Comment