小姐之笑話(九)

每個星期天的早上是由牛生招呼小姐, 牛太則繼續與周公子談心. 
在某個星期天落街買早餐前, 小姐要求紥辮,  牛生解釋他不懂, 紥了會給別人取笑.  小姐立即回應: 「咁唔駛啦, 我夾夾得啦」
醒目呀!

有爸爸陪伴沖涼的那一天, 牛太要浪費很多口水才能說服小姐出來換衫.  有日:
牛太: 「你沖左好耐啦喎, 我等你出黎就到我沖」
cc: 「你去隔離個廁所啦」
牛太:「婆婆沖緊呀」
cc: 「咁你去隔離排隊啦, 唔好排我呢度」

小姐雖然望落細細粒, 但很好肉地, 尤其脾脾位, 媽媽和婆婆經常都說要切出來煲湯.  有一次, 牛太在扮切她的脾脾時, 她說:「好痛呀!  媽咪呀, 你係女孩子黎架麻, 你要斯文d 先得!」

有晚牛太邀請小姐嘗試講醜小鴨的故事.
cc: 「從前呢, 有隻鴨媽媽, 響湖邊生左d.... 魚蛋」
牛太忍不住大笑起上來.  牛太知道.. 這個行為實在很差劣.. 但實在太好笑了, 鴨媽媽為何會生.. 魚蛋???!!!