窩心的對話

有個晚上, 正當媽媽抱著細小姐入房睡覺時, 大小姐對妹妹說：「妹妹, 你要乖乖地瞓覺, 唔好激嬲媽咪呀, 媽咪病緊, 好辛苦架, 知無?」
大小姐實在是媽咪的好幫手!

又有一個晚上,
cc：「媽咪, 我唔鐘意daddy 成日話妹妹似你, 我唔似你呀!  我都好想好似妹妹咁似你.  daddy 話妹妹個樣又似你, 同你一樣又係屬兔.  我都好想係兔仔黎架!」
媽媽：「傻妹, 你鐘意彈琴咪似我囉, 仲有, 你上堂乖都係似媽咪架, 又同媽咪一樣鐘意煮食.  妹妹似我但佢又唔鐘意我」
cc：「媽咪, 我真係好鐘意你, 因為你好錫我.」
媽媽：「但係妹妹都唔鐘意我, 我有d 唔開心喎」
cc：「唔緊要啦, 咪一人鐘意一個囉!」
媽媽：「如果有一日妹妹都鐘意埋媽咪咁點算?」
cc：「咁你咪兩個都攬囉!」
哈哈, 雖然妹妹最愛爸爸, 但媽媽仍然會很愛她攬她, 不會待她喜歡自己才去攬她呢!