細小姐兩歲半

兩歲半的細小姐現在口若懸河, 想說就說, 不用想, 不用等.

有天媽媽問:「尋日姨姨有無請你食雪糕?」
細小姐:「無呀」
媽媽:「無? 唔係瓜」
細小姐:「姨姨無, 姨丈有」
又係喎, 是姨丈給她雪糕的.

媽媽:「我地一陣去姨姨屋企呀」
細小姐:「唔好呀, 我要響呢個屋企」
媽媽:「我地搭train 去, 響黃色, 黃大仙落車喎」
細小姐:「唔好呀, 我要響呢個屋企」
媽媽:「姨姨請你食朱古力呀」
細小姐:「食完朱古力, 搭train 返黎坑口屋企」

自己獨自在看書, 一邊看一邊讀, 一會兒:「呢個may may 唔識讀」

中醫伯伯示意媽媽在藥單上寫上名字.
媽媽一拿起筆, 細小姐就話:「寫曦藍呀！」

媽媽:「佢係大表哥」
細小姐:「唔係呀」然後指著虎虎表哥說:「呢個先係表哥!」

大小姐:「你係曦藍bb」
細小姐:「唔係呀, 我係曦藍小朋友」
因為媽媽曾對她說:「你大個女啦, 唔係bb, 細佬(表弟)先係bb, 你係小朋友黎架啦」

很喜歡唱phonics 歌, 經常自己在唱:「a a a apple b b b boy.. i i i igloo」

現在細小姐是牛棚的接線生.  她亦很稱職的, 有問有答, 而且能完成任務.  例如她會跟工人姐姐說:「姐姐... 婆婆搵你... 聽電話」

好好玩既背後,  細小姐在半夜仍然是一隻魔鬼.  她會把日間所遇到不如意的事在半夜宣洩出來.  輕則大喊一次, 重則一晚可以喪喊兩、三次, 有時甚至連工人姐姐抱著也不能收聲.  所以現在媽媽怕了她, 為免她受到太大刺激, 很多時都會先讓步, 之後再講道理.  不過媽媽知道這樣不是長遠可肯的方法, 只會助長細小姐越大越惡越蝦蝦霸霸.  求神繼續給智慧和體力給媽媽去照顧她.