細小姐的笑話(二)

快將升K1, 牛太簡單地brief 一下

牛太:「你就黎升K1 啦, 做姐姐, 唔係去pn 課室」

細小姐: 「我係妹妹, 我唔做姐姐」

牛太:「唔係呀, 我話你返學校做姐姐」

細小姐(發脾氣):「我唔做姐姐呀, 我要做妹妹!」

大小姐有天整天外出, 回到家的那一刻, 細小姐來個熱烈歡迎加擁抱, 且說:「家家, 我好掛住你呀!」

當然啦, 整天沒有人被你欺負麻.

有一晚, 細小姐又為自己爭取權益

牛太:「家姐7歲你3歲, 你唔可以成日要求同家姐一樣架, 家姐7歲做到, 唔代表你3歲做到麻!」

細小姐:「哦」

牛太:「哦? 你明我講乜咩?」

細小姐:「明呀… (當時兩位小姐正在吃菜)咁點解7歲食呢個菜菜, 3歲又係食呢個菜菜呀?」

好有一個舉反三! 又好一支頂心杉!

牛太:「你鐘唔鐘意mickey 架?」

細小姐:「鐘意」

牛太:「咁Minnie 呢?」

細小姐:「鐘意」

如是者, 牛太問了幾個卡通人物後

細小姐:「鐘意... 我我我.. 最鐘意媽咪!!!」