小姐之笑話(十)

-有日, 牛太請小姐收拾掉在地上的顏色筆.  當她做好後, 牛生又請她收好紙張.  小姐說: 「媽咪淨係叫我執筆, 無叫我執紙呀!」
看!  爸爸在小姐心中多有「威嚴」呀!

-每次, 牛生問小姐想到那間書局看圖書時都是問她: 「你想去綠色果間定係紅色果間呀?」牛生時常忘記女兒已經3歲多, 她是絕對有足夠memory 去記著店名.  有日牛太忍不住出手, 就教小姐, 紅色果間叫大眾書局.  隨即小姐就問: 咁「細眾」呢?  牛太初聽時不明意思, 再聽時就明白, 有「大」就自然有「細」架啦!  牛太很欣賞女兒有用腦啊!

-婆婆很喜歡用錢去衡量食物.  有日她對cc 說: 「d 湯好貴架, 要飲晒去呀!」
cc:「咁好平果d 就唔駛飲晒去」!
哈哈!  今次到婆婆捉蟲!

-有晚爸媽與小姐一同在細枱食飯, 三個人用同一款的碗和吃同一樣的食物. 
媽媽說: 「咦, 今晚我地一樣喎!」
cc: 「daddy mami 用筷子, cc 用湯匙」「daddy mami 果d 粉長d, cc 果d 要剪碎」「mami 你講錯啦, 我地唔一樣架!」
雖然比囡囡寸, 不過牛太很喜歡, 因為阿囡有用眼睛去觀察, 腦袋去分析.

-牛太這幾天發高燒, 但小姐仍然想哄下媽媽, 牛太唯有安慰她, 要待媽媽退燒後才可以嗲下.  今晨小姐在睡夢中突然咳得很厲害, 牛太把她抱過來, 她第一句說: 「mami 你好返未呀?」嘩, 聽了這句話實在冧爆.  在半夢半醒間仍然記得mami 生病 (雖則牛太經常懷疑她的腦袋是沒有睡的).  今天午睡醒來第一句又是問媽媽: 「你係咪好返好多啦?我想你快d 好返晒呀」無論平時氣得你半死, 間中聽到這些說話, 她的劣行就會像粉筆紙的抺去.

-最近牛太教小姐說出心裡的感受, 唔開心時不要單發脾氣, 也要告訴別人有什麼事/說話令你唔開心.  小姐都會活學活用的. 
有晚她對媽媽說: 「mami 呀, 你咁樣同我講野, 我唔開心架」
媽媽: 「我點講野呀!」
cc: 「我夜晚起身果陣時你叫我瞓返覺law」
媽媽: 「我點講呀」
cc: 「你好惡咁叫我瞓覺啦」
媽媽: 「咁瞓覺就瞓覺啦, 點解你又要坐起身」
cc: 「咁我發夢丫麻」
媽媽:「o我, 咁你坐起身會騷擾我丫麻」
cc:「你咁樣同我講, 我唔開心架」
媽媽: 「咁好啦, 我下次斯文d 講啦」
再次証明.. 她是沒有瞓覺的.... 連半夜阿媽用什麼語氣+什麼說話都記得一清二楚.

黑社會+怪獸家長

星期六的早上, 牛太如常到隔離屋苑的暖水池游水.  泳池其中的一項規條是不得在內進行私人教授游水活動.  學游泳的人, 必須透過會所舉班的泳班學水, 父教子或兄教弟除外.  今日一踏進泳池, 牛太已經見到一個教練人士在教一個6,7歲的男孩游水.  他身旁還有2位家長一同游泳.  本來牛太都沒打算去投訴, 不過他們的行為實在太過份, 牛太不得向救生員問過究竟.  救生員哥哥說他們已向會所職員反影.  在牛太再三要求下, 他們再請來職員, 職員向其中一個家長傾談的同時, 那男孩就上到池邊練習泳式的動作, 當職員離開後, 他又再跳進水裡繼續練習蝶式.  牛太在同場的人士傾談, 才知道這家人昨晚已在這裡, 並且有5個家長陪同, 就連業委會主席進來勸阻他們也沒用.  他們不單在泳池裡練水, 最過份是那班陪同在側的大人.  他們組成人肉牆城, 把泳池的1/3 霸佔起來給男孩練習, 一旦有人入侵範圍, 他們就似黑社會般檔著或踢開人, 目的就是讓他可以有條私家泳線.  結果, 原本已細少得可憐的泳池, 扣去一條固定的泳班練習線後, 再被這班人佔去一大部份位置, 而那個教練像稻草人般企在水中心觀察學生的游水, 以及男孩所練習的碟式, 基本上是沒有空位讓人游水.  最令牛太覺得他們怪獸就是, 當牛太跟另一位c9 講及此事時, 那兩個大人就大大聲回應: 我地唔係唔想經會所學游水, 只係full 晒無位, 唔想有人學游水, 你地咪包池law.  邊個泳池無人學游水架!  牛太的懶得跟她理論, 大家跟本是不同level.  泳池沒有這項規條是一件事, 有就要遵守吧!  怎可將自己的須要放得如此大, 而且其行為是嚴重騷擾別人.
接著, 牛太在更衣室再遇見她們, 看她們的對話和打扮, 絕對不是大陸人, 而是很典形的怪獸家長.  當她們離開更衣室, 隨即有管理人員上前跟她們理論, 牛太只聽到其中一句是: 我地有難處, 你地都要體諒先得架.  這句說話不是職員說的, 而是出自怪獸家長的口中.  牛太真的很想譗句: 你個仔第日強姦左人, 你可唔可以同人講因為佢有性須要先?!  做家長的, 怎可教孩子為著目的要不摘手段, 在工作崗位為了向上爬的就見得多, 像他們這樣扭曲事情真是少見, 這是完全沒有品得的行為.  其實很容易想像, 就算這男孩在學術或游泳上得到什麼獎或冠軍, 但他的品格一定有問題.  為了練水家長們已經可以如此, 在其他的事情上亦一樣..

自從為人母後, 牛太越覺得, 越有錢人的地方就沒有道理和教養.  他們很多都會抱著有錢大晒的心態.  怪獸家長愛把孩子打造成天材, 十項全能, 投入大量金錢在他們身上.  但是, 學得這麼多又如何, 課程有幾深又如何, 這班孩子的腦袋只有表面上的知識或技能, 但完全沒有人格可言.  難怪坊間有品格培養班, 不過牛太相信, 進去上堂的人, 下課並不會活學活用, 因為他們的家長所做的跟課程是相反.  身教比言教重要, 這是今日很深的領回.

小姐之笑話(九)

每個星期天的早上是由牛生招呼小姐, 牛太則繼續與周公子談心. 
在某個星期天落街買早餐前, 小姐要求紥辮,  牛生解釋他不懂, 紥了會給別人取笑.  小姐立即回應: 「咁唔駛啦, 我夾夾得啦」
醒目呀!

有爸爸陪伴沖涼的那一天, 牛太要浪費很多口水才能說服小姐出來換衫.  有日:
牛太: 「你沖左好耐啦喎, 我等你出黎就到我沖」
cc: 「你去隔離個廁所啦」
牛太:「婆婆沖緊呀」
cc: 「咁你去隔離排隊啦, 唔好排我呢度」

小姐雖然望落細細粒, 但很好肉地, 尤其脾脾位, 媽媽和婆婆經常都說要切出來煲湯.  有一次, 牛太在扮切她的脾脾時, 她說:「好痛呀!  媽咪呀, 你係女孩子黎架麻, 你要斯文d 先得!」

有晚牛太邀請小姐嘗試講醜小鴨的故事.
cc: 「從前呢, 有隻鴨媽媽, 響湖邊生左d.... 魚蛋」
牛太忍不住大笑起上來.  牛太知道.. 這個行為實在很差劣.. 但實在太好笑了, 鴨媽媽為何會生.. 魚蛋???!!!

有規律的生活

不經不覺, cc上學期的k1生活就快完結.  相比起pn, k1 的生活來得有規律, 皆因牛家小姐的身體機能完全不能適應下午班的生活.

現在, 無論平日或假日, cc 都會在8:15 自動起床, 上課的日子, 會在學校吃午飯後才回家, 接著就是午睡, 然後到平台或公園或會所玩, 7時左右晚飯, 9時入房講完事, 9時半關燈祈禱睡覺, 應該大約10時就己經跟著周公子去街街.  這樣的作息時間, 最最最最受惠者莫過於是小姐的陪瞓專員 -- 牛太.  因為.. 牛太是專業的陪瞓專員, 絕對是不會因為老闆睡了而偷走的.  所以, 牛太現在每晚都有約8-9個鐘的睡眠時間, 呵呵1

讀k1 上午班, 不單是作息時間有規律, 就連用膳方面都有很大的影響. 現在每餐基本上都可以吃到適當的份量.  pn 時呢, 上午11:30 就要吃飯, 然後趕著第一輪午睡, 放學後就進行第二場叉電行動至7時半左右.  11:30 吃飯太早了, 有多時只能吃到一半, 至於晚上, 因為睡前喝了一支奶, 到醒來又沒有胃口, 通常又只會吃一半.  還有情緒方面也見明顯有改善, 一來長大了和適應學校生活, 以及生活安排有秩序, 無理發脾氣的次數買少見少. 

經過半年pn 的非人生活, 反而體驗得到有規律的生活對小孩子的影響.  幸好, 牛太往後不用再為小姐要讀下午班而煩惱!

管家婆(四)

mami:「想唔想要個妹妹同你玩」
cc: 「我想要姐姐呀」
mami: 「咁有妹妹, 你咪姐姐law」
cc: 「我做姐姐呀?? 我去督導妹妹呀?」
mami: 「邊個教你督導架」
cc: 「老師教架law」
mami:「 係咪老師成日話你督導d 小朋友呀」
cc: 「係呀」哈哈哈哈哈


有次牛太執到條頭髮就順手掉出口(很明顯是反面教材)
cc:「mami, 你做乜呀?」
mami: 「無呀」
cc: 「你掉條頭髮出窗呀... 你咁樣唔岩架.. 要掉去廁所先岩」
mami: 「係啦, mami 做錯左, 下次做返岩」
cc: 「咁我比個剔你」
多謝晒!

媽媽已經可以將「督導爸爸衞生」的工作外判予小姐.  例如牛生一入門口未換衫就想攬囡囡, 小姐是會拒絕的, 並說「daddy, 你好dirty, 換左衫先啦」.  又例如爸爸吃飯後仍未沖涼, 小姐又會加以催促.  小姐真是媽媽的好幫手!

小姐之笑話(八)

踏入三歲, 每日仍然有很多爆笑的對話:

cc:「舅父係老師呀」mami: 「係呀, 佢教邊個架?」
cc: 「佢教好大個既哥哥姐姐law..... 佢教小朋友, 小朋友會喊架!」
mami: 「下, 點解呀」
cc: 「因為佢好惡law」
mami: 「咁舅父教表哥, 表哥會唔會喊架?」
cc: 「唔會架」
mami: 「點解呀?」
cc: 「因為係daddy law」
哈, 估不到她的思路這樣清晰.

兩表兄妹的對話同樣很好笑的:
表哥: 「搞錯呀!」
cc: 「我個陳老師話... 我個陳老師話.... 我個陳老師話.. 唔可以講搞錯架!」
表哥: 「我話可以就可以啦」
cc: 「搞錯!」哈哈哈哈哈哈
接著兩表兄妹就不停講搞錯!  真係....有無搞錯!

有晚牛生對cc 說: 「你睇下見唔見到moon moon」
牛太對牛生說, cc 大個了, 不好再baby talk.  小姐好像明白甚麼是baby talk, 自始以後, 每逢daddy 跟她講疊字, 她都會說: 「daddy 呀, 你唔好再同我baby talk 啦, 我大個女架啦」.  有晚她對mami 說: 「食飯飯就係baby talk.. 應該講食飯!」

最近屋苑新增了八達通出入的設施.  三歲以前, 小姐會問媽媽拿八達通"do".  三歲生日那天, 爸媽送了一張兒童八達通+卡套給她.  那天出lift 後牛太照舊將銀包交給她拿去"do" 時, 她說:「唔駛啦, 我有八達通架啦, 媽咪你傻豬左, 你以後要記住啦!」
阿女, 不過你那張咭未去clubhouse register 架!
由於她經常忘記帶自己的八達通出入, 每次她都會說: 「哎呀, 我又大頭蝦唔記得帶八達通tim! 媽咪你送隻蝦比我啦!」

有一晚小姐對媽咪說: 「我賴響條片到mami 唔會鬧架!」(她指的是瞓覺時).
牛太:「係呀, 不過你起身wee 媽咪都會好欣常law」
小姐: 「我起身痾wee 媽咪都唔會鬧, 但係會「唉」咁law」.
牛太怕自己聽錯, 請小姐再重覆.  她仍然講得出個「唉」字, 語氣跟媽媽是一樣的!
全屋人聽到後都笑到反肚.
小姐... 晚被人叫醒帶你去小便一點都不過癮架! 幹嗎你半夜會這麼清醒, 你究竟有無瞓覺架?!

三歲

轉眼間又一年,  小姐三歲了!

最近她常自言自語說:「 我三歲啦, 大個女, 唔係bb 啦!」這年間, 她明白多了很多事, 如生日有蠟燭吹、有蛋糕吃和..開生日會;  bb 要大人照顧, 餵奶換片換風, 只可以吃奶, 但自己可以吃不同種類的食物, 而且能自己進食.  大人之間的對話, 她會「聽埋一份」, 有時還能應用在適當地方, 例如用媽媽語氣叫「爸爸唔好掛住睇電視, 理下我啦」; 自從可以獨自上兒童崇拜後, 她的安全感就全面歸位.  牛太很大膽地報了畫班, 在沒有試堂下就叫她自己進去課室, 第一堂的頭十五分鐘, 她只要求婆婆在外面等她, 接著, 她看到婆婆離開後都沒有不安, 甚至很樂意和婆婆說再見.  這個轉變對她來說是很大的, 而這進步亦叫父母很欣慰;  她亦明白祈禱的義意, 每當知道有家庭成員生病, 或自己害怕的事情, 就會要求父母祈禱.  這是一個很好的開始, 希望她終身都倚靠神!

回頭一望, trouble two 確實有點恐怖.  在幾個月前開始, 小姐變得較易相處, 絕大部份時間都願意合作, 講道理... 除了去街要爸爸抱之外.... 所以, 牛太正努力學習「正向管教」, 老實說, 面對一隻扭計精, 做父母要有超級EQ 才能實踐理論, 相反, 如果小朋友合作的話, 爸媽都容易處理他負面的情緒.

表達力能是cc 最弱的一環, 還有語調及音準, 每當緊張時還會漏口.  只要和她交談過, 就會知道牛太所言非虛.  就連同住的婆婆經常都不明白小姐的說話.  所以牛太現在每晚都會跟她講故事包括朗讀, 又會鼓勵她一起讀, 希望她能改正發音.

開3歲的生日會是一個意外, 不過女兒能夠因此而成長, 生日會亦值得開.  雖然在邀請咭已呼籲參加者不用買禮物, 然而各人都很客氣, 送來了很多禮物.  牛太很想女兒把生日會聯繫到「有小朋友一起玩」, 而不是一大堆的生日禮物上.  起初牛太想將部份捐給機構, 後來突然靈機一觸, 這個是很好的機會, 教導小姐把幸福分享.  前晚牛太把所有禮物搬出來, 對cc 說: 「呢d 係小朋友送比你既生日禮物, 不如我地揀3份出黎, 其餘既就送去比d 無玩具玩既小朋友」.  cc 很好奇地問: 「點解會有小朋友會玩具玩, 佢地係邊個黎架, 叫乜野名」.  牛太解釋給她後, 她就很樂意地答應了媽媽的要求, 而當姨姨拿走這堆禮物時她亦沒有後悔.  牛太打算, 如果將來再開生日會的話, 都會用這個方法去處理禮物.  希望她能明白施比受更有福.