細小姐的笑話(五)

大小姐學琴後回家才吃飯.  她一如以往會「叫齊人食飯」
大小姐:「媽咪食飯, 婆婆食飯, 姐姐食飯, 妹妹食飯」
當細小姐聽到這裡, 就走去拍拍家姐說:「我食左飯架啦, 唔好再叫我食飯啦!」
看得出她多討厭吃飯!  如果是叫她吃零食, 她一定不會說「我食左架啦, 唔駛再食」!

細小姐最近很喜歡問人:「你細個玩乜架?」
牛太會答她:「我細個玩手指架.」
過了一陣子, 當牛太這樣回答完後, 她又再問:「咁之後呢?」
牛太就說:「玩腳趾囉!」
有一日, 她又是這樣問工人姐姐, 姐姐回答她後, 她就說: 「我媽咪細個玩完手指就玩腳趾架.」

最近英文課(據班主任說老師有事回郷, 但已差不多消失一個月了)是由兩位代課老師輪流負責.
牛太:「今日係咪Miss Joyce 黎教英文堂呀?」
細小姐: 「係Miss Let It Go 呀.」
呵呵, 幸好牛太也不蠢:「係咪即係Miss Elsa 呀?」
細小姐: 「哈哈哈哈哈」

牛太問工人姐姐: 「今日有無太陽曬到d 衫?」
細小姐搶答: 「無呀, Today is cloudy day.」
牛太為証實, 再問: 「咁出太陽係乜呀?」
細小姐: 「Sunny day」
牛太: 「落雨呢?」
細小姐: 「Rainy day」
Wow, 原來她有留心上堂, 牛太很安慰呀!

兩個家長日

11月份分別有大細小姐的家長日.  也是這學期第一次的家長日.

大小姐, 老師對她的評價, 一如以往, 都是很乖很聽話讀書很用功學業成績很好之類, 從老師的語氣中, 牛太感受到她得到老師們的歡心, 換來的結果就是跟男同學一起坐!
雖然是預料之內, 但牛太也很安慰, 女兒在操行和學業上沒有大難題, 固此, 牛太特別買了朱古力以示獎勵, 希望她日後繼續努力.

至於細小姐, 牛太還以為會收到老師很多投訴, 誰知原來她在課室裡尤如一隻小綿羊, 不會爭玩具或打人, 又能坐定定聽老師上課, 實屬意料之外.  當牛太跟大小姐說:「老師話妹妹好乖喎」, 大小姐即時的反應是「吓?!」.  這也好, 起碼她在外沒有令人感到煩惱, 只是她媽媽感到頭痛已而! 細小姐的學習能力還有待觀察, 牛太對她的成績不太緊張, 始終年紀還小, 仍然對留班保留一條出路.  現在只盼望她有日能從野人族中走出, 不用牛太這麼勞氣!!

細小姐的笑話(四)

牛生:「唔好掂dad dad 隻腳呀, dad dad 有香港腳」
細小姐(立刻遞上雙腳):「你有香港腳, 我有屋企腳」
哈哈, 什麼是屋企腳?

有天當大小姐在痾臭時, 她大叫dad dad, 目的還未說出來,
細小姐就息穿了家姐想爸爸幫她清潔, 然後就說:「家家, 你要讀k5!」
然後又老作: 「家家, 你坐西瓜組!」
好笑的是, K1A 並沒有西瓜組, 只有蘋果提子和香蕉組.

細小姐很喜歡看youtube 上別人拆玩具玩玩具的video, 尤其是拆出奇蛋,
有一天她說: 「呢個意粉表哥鐘意(怪獸大學)」
然後又說: 「呢個虎虎表哥鐘意(米奇老鼠)」
接著又說: 「媽咪鐘意呢個(貓貓)」
牛太: 「媽咪唔係最鐘意kitty 架, 最鐘意係你同家家.  咁有無家家同妹妹蛋?」
細小姐: 「有呀, 咪Elsa 同Anna 囉」
兩姊妹還活在魔雪奇緣中....

在細小姐三歲生日前之反思

大多數跟細小姐相處過的朋友及家人, 都會說她很可愛, 說話時很有趣.  可是, 作為媽媽, 完全沒有這個感覺, 大概是給她刁蠻任性硬頸的行為蓋過了一切.

牛太一直思前想後, 為何妹妹會有這樣的性格, 是天生? 還是後天家庭環境的影響?  是心理上缺乏了些什麼嗎?  牛太想有幾個可能性, 很大可能是, 尤其是過去的一年, 牛太把大部份時間放在大小姐的功課和學琴上, 而牛生亦經常要上班, 妹妹就外判了給婆婆,  久而久之缺乏了安全感和被重視, 於是一有機會發洩便一發不可收拾.  在過去的暑期, 牛太特意用多了時間單獨陪她玩, 在開學以後, 亦安排了大小姐自行做功課和溫習, 好讓自己有多點時間陪她.  可是情況沒有太大的改善, 每每遇到不如意的事, 細小姐仍然會大發脾氣, 喊過不停.

於是, 「遊戲治療」就在牛太腦裡想起了.  牛太總覺得她是心靈上有所缺失, 只是自己找不到頭緒.  找個出路幫她幫自己也好.  但又想這年紀到治療室有沒有幫助呢? 她會明白嗎?  會否白白浪費錢呢?  就在這個時候, 牛太偶然有機會跟同學媽媽傾談時才發現, 原來她的兒子(跟細小姐同齡) 剛開始了行為治療, 四堂過後, 終於「似返個人」.  聽了她的經歷, 牛太便立心去找合適的中心.

其實牛太肯定新一頁有此服務提供, 並且很專業, 可是價錢很貴,  牛太想試看看將軍澳的社福機構有沒有較便宜的服務.  原來是沒有的.  但在過程中, 無意中看到小童群益會的網站有家長專線, 原先是想問問價錢和排期做治療的方法. 誰知接聽專線是專業的輔導員, 她很詳細地問細小姐如何「發爛」以及牛太如果善後, 她聽到後給了很好的意見.  她說細小姐是那種一發不可收拾的孩子, 家長盡量做事前功夫, 免避她陷入那個狀態.  嘗試在一開始就給她肯定和接納.  例如, 她無故打家姐, 並且想繼續時, 家長可說, 1: 妹妹好興奮喎?  2: 但打家姐, 家姐會好痛喎.  3: 不如你下次想打家姐時就打下梳化啦. 正常的小朋友這到這番說話是會停手的.  雖然不可確定下次她會否繼續, 但肯定阻止了被家長責罰而一發不可收拾的情緒.  輔導員還提醒, 不要罰她入房讓她自己發洩, 這樣會使她感到很不被重視, 要攬著她, 讓她知道你愛她.  

牛太想起, 其實曾幾何時自己亦用這個方法去教導大小姐.  只是, 現在回家後有千百樣事情要做, 家中大事小事也是自己獨自去處理, 加上細小姐一旦發爛是沒有buffer 位, 很難再有這個耐性去對她, 亦已完全忘記了用正向管教.  聽罷, 好像有新柱光, 亦是一個很好的提醒.  希望會有點幫助.

開學了

細小姐已經升上k1 一個月了.  一開學, 老師已經開始教授主題書, 每天有連線和填色功課, 每星期另有主題功課.  英文亦教了4個phonics sound, 8句對話和英文兒歌.  普通話亦教授完第一課了.  牛太不太清楚細小姐究竟吸收了幾多, 唯有在僅有的時間中跟她溫習.  亦希望她上堂能夠聽得明老師所教的.  減少媽媽勞氣的時間.

至於大小姐, 放了兩個半月很開心的暑假, 很明顯, 開學後仍在放假狀態.  功課不願做, 琴不願練.  於是牛太就為她定下時間表, 由放學到睡覺, 有休息、練琴、功課溫書和自由活動.  有了這個時間表, 大小姐終於收拾心情, 完全不用媽媽勞氣, 自動自覺做完所有事.  最感恩是牛太立定今學年要放手讓她自己溫習.  現在做到了.  最大功勞還有是現在有自己的溫習空間, 不會被妹妹騷擾, 亦不會朝行晚拆, 搬屋是值得的.

開學不久, 牛太又很渴望快點放暑假了.  原來不只是學生, 家長也希望暑假的來臨^^.

細小姐的笑話(三)

媽媽病了, 細小姐這幾天經常問: 「媽咪你邊度唔舒服呀?」
媽媽: 「媽咪發燒呀」
細小姐: 「即係邊度唔舒服呀?」
媽媽:「其實你乖既話, 媽咪就會好返架啦」
媽媽: 「其實我都好乖」
我(心諗, 你即係唔知乜野叫乖囉): 「你無扭計咩?」
媽媽:「 我都有小小扭計」
我: 「你扭計乜野」
媽媽: 「我喊喊要搵dad dad 囉」
我: 「咁dad dad 去左邊」
媽媽: 「返工... 跟住, 我就無喊喊扭計, 我乖啦. 咁媽咪, 你係咪好番啦???!!!」
死左都比你激返起身啦

細小姐很喜歡愛youtube拆禮朱古力蛋的video, 近日學會了: 「媽咪, 我好鐘意呀, 我想買呀!」
媽媽: 「響邊度買呀?」
細小姐:「我唔知道呀」
有一晚在夢境中, 應該是發夢這個場境, 大叫說: 「我想要呀」
媽媽: 「好呀, 下次買比你」
她又重覆說:「我現家想要呀」
媽媽: 「好呀, 聽日去taste買」
細小姐:「我唔去taste 呀, 我驚怪獸呀」
事緣是taste 附近的影音店經常播放著怪獸片, 細小姐好不願意到taste.  估不到發夢都這樣清醒!

細小姐: 「媽咪你幾多歲呀?」
媽媽: 「我都唔知道呀」
細小姐:「你自己都唔知道?」

細小姐的笑話(二)

快將升K1, 牛太簡單地brief 一下

牛太:「你就黎升K1 啦, 做姐姐, 唔係去pn 課室」

細小姐: 「我係妹妹, 我唔做姐姐」

牛太:「唔係呀, 我話你返學校做姐姐」

細小姐(發脾氣):「我唔做姐姐呀, 我要做妹妹!」

大小姐有天整天外出, 回到家的那一刻, 細小姐來個熱烈歡迎加擁抱, 且說:「家家, 我好掛住你呀!」

當然啦, 整天沒有人被你欺負麻.

有一晚, 細小姐又為自己爭取權益

牛太:「家姐7歲你3歲, 你唔可以成日要求同家姐一樣架, 家姐7歲做到, 唔代表你3歲做到麻!」

細小姐:「哦」

牛太:「哦? 你明我講乜咩?」

細小姐:「明呀… (當時兩位小姐正在吃菜)咁點解7歲食呢個菜菜, 3歲又係食呢個菜菜呀?」

好有一個舉反三! 又好一支頂心杉!

牛太:「你鐘唔鐘意mickey 架?」

細小姐:「鐘意」

牛太:「咁Minnie 呢?」

細小姐:「鐘意」

如是者, 牛太問了幾個卡通人物後

細小姐:「鐘意... 我我我.. 最鐘意媽咪!!!」