婆婆今日不用到舅父家, 就改到牛棚倒亂. 她投訴牛棚的廚房太細, 廚具太少, 還想將牛太的好幫手焗爐搬走, 牛太當然不會讓她這樣做. 之後她就將所有廚柜內的物品搬出來, 重新將她家的廚具放進去. 牛太知道從此以後廚房不再屬於自己. 是很無耐, 不過無辦法, 只要小c 還是在自己管轄範圍就算了.
今日是小c 回家的第7日, 當她醒來的時候, 雙眼總會四週觀察. 希望她盡快對牛棚有歸屬感啦.
今天牛爸爸在媽媽的協助下, 很成功地替小c 澡涼, 沒有發生昨天騎呢的場面了. 不過當然要小c合作. 媽媽還向高難度挑戰, 因為陪月姨姨不肯替小c 穿著後面開鈕的衣服, 看來小c 很俾面媽媽, 衫仔很快便穿好. 小c 還有數件這類衫, 媽媽唯有在週末才讓她穿著.
牛太很發現小c 很喜歡笑, 跟做產檢時看到4d 時一樣, 經常也是笑面迎人, 感謝主!
6 comments:
點解你亞媽咁好笑，會將自己d廚具搬去你屋企???咁幾時先肯搬番走....
因為佢屋企唔會再開爐煮飯, 以後一家人會改黎我屋企開飯. 就算平日佢都係響我屋企食飯 ~~>.<~~
哦....原來佢徵用了你的廚房....咁你d廚具搬去邊呀？定係在你媽媽眼中少得可憐，求其一個櫃都塞得晒....@_@
以前得2個人食飯, 碗碗碟碟同煮食工具當然會少d, 加上佢又投訴呢樣唔好用果張又唔得, 好似把刀咁, 係我結婚時佢買比我既孖人牌刀黎架. 佢前日竟然話: 你把刀連斬雞都得, 買埋d 咁既野!!!
但我唔明點解你媽媽要改黎你屋企開飯喎..
好似之前咁, 唔係你去佢度食架咩...
我妹結左婚, 屋企剩番佢一個, 而工人同cc又響我到, 咁緊係佢黎食飯啦.
Post a Comment