小姐之笑話(九)

每個星期天的早上是由牛生招呼小姐, 牛太則繼續與周公子談心. 
在某個星期天落街買早餐前, 小姐要求紥辮,  牛生解釋他不懂, 紥了會給別人取笑.  小姐立即回應: 「咁唔駛啦, 我夾夾得啦」
醒目呀!

有爸爸陪伴沖涼的那一天, 牛太要浪費很多口水才能說服小姐出來換衫.  有日:
牛太: 「你沖左好耐啦喎, 我等你出黎就到我沖」
cc: 「你去隔離個廁所啦」
牛太:「婆婆沖緊呀」
cc: 「咁你去隔離排隊啦, 唔好排我呢度」

小姐雖然望落細細粒, 但很好肉地, 尤其脾脾位, 媽媽和婆婆經常都說要切出來煲湯.  有一次, 牛太在扮切她的脾脾時, 她說:「好痛呀!  媽咪呀, 你係女孩子黎架麻, 你要斯文d 先得!」

有晚牛太邀請小姐嘗試講醜小鴨的故事.
cc: 「從前呢, 有隻鴨媽媽, 響湖邊生左d.... 魚蛋」
牛太忍不住大笑起上來.  牛太知道.. 這個行為實在很差劣.. 但實在太好笑了, 鴨媽媽為何會生.. 魚蛋???!!!

有規律的生活

不經不覺, cc上學期的k1生活就快完結.  相比起pn, k1 的生活來得有規律, 皆因牛家小姐的身體機能完全不能適應下午班的生活.

現在, 無論平日或假日, cc 都會在8:15 自動起床, 上課的日子, 會在學校吃午飯後才回家, 接著就是午睡, 然後到平台或公園或會所玩, 7時左右晚飯, 9時入房講完事, 9時半關燈祈禱睡覺, 應該大約10時就己經跟著周公子去街街.  這樣的作息時間, 最最最最受惠者莫過於是小姐的陪瞓專員 -- 牛太.  因為.. 牛太是專業的陪瞓專員, 絕對是不會因為老闆睡了而偷走的.  所以, 牛太現在每晚都有約8-9個鐘的睡眠時間, 呵呵1

讀k1 上午班, 不單是作息時間有規律, 就連用膳方面都有很大的影響. 現在每餐基本上都可以吃到適當的份量.  pn 時呢, 上午11:30 就要吃飯, 然後趕著第一輪午睡, 放學後就進行第二場叉電行動至7時半左右.  11:30 吃飯太早了, 有多時只能吃到一半, 至於晚上, 因為睡前喝了一支奶, 到醒來又沒有胃口, 通常又只會吃一半.  還有情緒方面也見明顯有改善, 一來長大了和適應學校生活, 以及生活安排有秩序, 無理發脾氣的次數買少見少. 

經過半年pn 的非人生活, 反而體驗得到有規律的生活對小孩子的影響.  幸好, 牛太往後不用再為小姐要讀下午班而煩惱!

管家婆(四)

mami:「想唔想要個妹妹同你玩」
cc: 「我想要姐姐呀」
mami: 「咁有妹妹, 你咪姐姐law」
cc: 「我做姐姐呀?? 我去督導妹妹呀?」
mami: 「邊個教你督導架」
cc: 「老師教架law」
mami:「 係咪老師成日話你督導d 小朋友呀」
cc: 「係呀」哈哈哈哈哈


有次牛太執到條頭髮就順手掉出口(很明顯是反面教材)
cc:「mami, 你做乜呀?」
mami: 「無呀」
cc: 「你掉條頭髮出窗呀... 你咁樣唔岩架.. 要掉去廁所先岩」
mami: 「係啦, mami 做錯左, 下次做返岩」
cc: 「咁我比個剔你」
多謝晒!

媽媽已經可以將「督導爸爸衞生」的工作外判予小姐.  例如牛生一入門口未換衫就想攬囡囡, 小姐是會拒絕的, 並說「daddy, 你好dirty, 換左衫先啦」.  又例如爸爸吃飯後仍未沖涼, 小姐又會加以催促.  小姐真是媽媽的好幫手!

小姐之笑話(八)

踏入三歲, 每日仍然有很多爆笑的對話:

cc:「舅父係老師呀」mami: 「係呀, 佢教邊個架?」
cc: 「佢教好大個既哥哥姐姐law..... 佢教小朋友, 小朋友會喊架!」
mami: 「下, 點解呀」
cc: 「因為佢好惡law」
mami: 「咁舅父教表哥, 表哥會唔會喊架?」
cc: 「唔會架」
mami: 「點解呀?」
cc: 「因為係daddy law」
哈, 估不到她的思路這樣清晰.

兩表兄妹的對話同樣很好笑的:
表哥: 「搞錯呀!」
cc: 「我個陳老師話... 我個陳老師話.... 我個陳老師話.. 唔可以講搞錯架!」
表哥: 「我話可以就可以啦」
cc: 「搞錯!」哈哈哈哈哈哈
接著兩表兄妹就不停講搞錯!  真係....有無搞錯!

有晚牛生對cc 說: 「你睇下見唔見到moon moon」
牛太對牛生說, cc 大個了, 不好再baby talk.  小姐好像明白甚麼是baby talk, 自始以後, 每逢daddy 跟她講疊字, 她都會說: 「daddy 呀, 你唔好再同我baby talk 啦, 我大個女架啦」.  有晚她對mami 說: 「食飯飯就係baby talk.. 應該講食飯!」

最近屋苑新增了八達通出入的設施.  三歲以前, 小姐會問媽媽拿八達通"do".  三歲生日那天, 爸媽送了一張兒童八達通+卡套給她.  那天出lift 後牛太照舊將銀包交給她拿去"do" 時, 她說:「唔駛啦, 我有八達通架啦, 媽咪你傻豬左, 你以後要記住啦!」
阿女, 不過你那張咭未去clubhouse register 架!
由於她經常忘記帶自己的八達通出入, 每次她都會說: 「哎呀, 我又大頭蝦唔記得帶八達通tim! 媽咪你送隻蝦比我啦!」

有一晚小姐對媽咪說: 「我賴響條片到mami 唔會鬧架!」(她指的是瞓覺時).
牛太:「係呀, 不過你起身wee 媽咪都會好欣常law」
小姐: 「我起身痾wee 媽咪都唔會鬧, 但係會「唉」咁law」.
牛太怕自己聽錯, 請小姐再重覆.  她仍然講得出個「唉」字, 語氣跟媽媽是一樣的!
全屋人聽到後都笑到反肚.
小姐... 晚被人叫醒帶你去小便一點都不過癮架! 幹嗎你半夜會這麼清醒, 你究竟有無瞓覺架?!

三歲

轉眼間又一年,  小姐三歲了!

最近她常自言自語說:「 我三歲啦, 大個女, 唔係bb 啦!」這年間, 她明白多了很多事, 如生日有蠟燭吹、有蛋糕吃和..開生日會;  bb 要大人照顧, 餵奶換片換風, 只可以吃奶, 但自己可以吃不同種類的食物, 而且能自己進食.  大人之間的對話, 她會「聽埋一份」, 有時還能應用在適當地方, 例如用媽媽語氣叫「爸爸唔好掛住睇電視, 理下我啦」; 自從可以獨自上兒童崇拜後, 她的安全感就全面歸位.  牛太很大膽地報了畫班, 在沒有試堂下就叫她自己進去課室, 第一堂的頭十五分鐘, 她只要求婆婆在外面等她, 接著, 她看到婆婆離開後都沒有不安, 甚至很樂意和婆婆說再見.  這個轉變對她來說是很大的, 而這進步亦叫父母很欣慰;  她亦明白祈禱的義意, 每當知道有家庭成員生病, 或自己害怕的事情, 就會要求父母祈禱.  這是一個很好的開始, 希望她終身都倚靠神!

回頭一望, trouble two 確實有點恐怖.  在幾個月前開始, 小姐變得較易相處, 絕大部份時間都願意合作, 講道理... 除了去街要爸爸抱之外.... 所以, 牛太正努力學習「正向管教」, 老實說, 面對一隻扭計精, 做父母要有超級EQ 才能實踐理論, 相反, 如果小朋友合作的話, 爸媽都容易處理他負面的情緒.

表達力能是cc 最弱的一環, 還有語調及音準, 每當緊張時還會漏口.  只要和她交談過, 就會知道牛太所言非虛.  就連同住的婆婆經常都不明白小姐的說話.  所以牛太現在每晚都會跟她講故事包括朗讀, 又會鼓勵她一起讀, 希望她能改正發音.

開3歲的生日會是一個意外, 不過女兒能夠因此而成長, 生日會亦值得開.  雖然在邀請咭已呼籲參加者不用買禮物, 然而各人都很客氣, 送來了很多禮物.  牛太很想女兒把生日會聯繫到「有小朋友一起玩」, 而不是一大堆的生日禮物上.  起初牛太想將部份捐給機構, 後來突然靈機一觸, 這個是很好的機會, 教導小姐把幸福分享.  前晚牛太把所有禮物搬出來, 對cc 說: 「呢d 係小朋友送比你既生日禮物, 不如我地揀3份出黎, 其餘既就送去比d 無玩具玩既小朋友」.  cc 很好奇地問: 「點解會有小朋友會玩具玩, 佢地係邊個黎架, 叫乜野名」.  牛太解釋給她後, 她就很樂意地答應了媽媽的要求, 而當姨姨拿走這堆禮物時她亦沒有後悔.  牛太打算, 如果將來再開生日會的話, 都會用這個方法去處理禮物.  希望她能明白施比受更有福.

K1 第一次家長日

K1第一次家長日實在很精彩, 精彩到媽媽覺得不記下來的話是對小姐不起.

老師一見到爸媽, 就首先介紹小姐做的圖工.  那是一個併貼出來的女孩子.  小姐用了很多張圓形卡紙砌成了辮子.  老師對此讚不絕口, 因為她沒有把那疊圓形卡紙整齊叠起, 也沒有零亂地胡放, 而是很有層次感把它組成辮子.  老師說三歲孩子能做到這個效果很難得.  爸媽亦很意外, 因從來都不發覺女兒有藝術細胞.  接著老師就入正題了.  她說曦晴很有大家姐風範.  媽媽回應是: 「管家婆」.  老師聽到後, 笑得趴在枱上, 她說媽媽的形容貼切很多.  當然, 知女莫若母!  她叫爸爸不用擔心同組裡比較多男孩子, 因為「成張枱都比佢管晒!  」例如是: 幫小朋友放書包, 取功課.  如果有小朋友放錯書包, 她會更正.  別人沒有打開水杯蓋, 她又去「幫手」. 又會督促同學收拾玩具等等等等.  偶爾不想排隊, 老師就會說:「你可唔可以幫我照顧呢位同學」, 她即是會大家姐上身, 乖乖的帶著那位同學一起排隊去.  老師說她的觀察能力很高、理解能力很高、 亦很有好奇心(這點爸媽都超級認同).  她經常很留心別人所做的事情, 然後, 下次當那人再重覆做同樣的動作行為時, 就會搶著說: 「你係咪咁咁咁咁呀!」.  她亦會把日常生活的細節跟老師分享.  例如一踏進課室後, 會把書包裡的東西逐一拿出來對老師說「我d 功課油得靚唔靚呀」「我今日帶口罩」, 又幾乎每天都會拖著老師到貼上家庭照的壁報告訴老師「呢張相響新加坡影架」「媽咪話下次同我去日本」; 「今日表哥黎同我玩」「今日daddy 放假湊我返學」.  這表現出她已經很信任老師, 對學校有安全感, 跟開學時完全不一樣了.  老師說雖然她語音不準, 說話又不太流暢, 但她表達得很好.  媽媽可以多一點朗讀故事, 讓她更能掌握語音. 老師亦觀察到cc 是個硬頸的女孩子, 不過都算易哄.
隨後老師問爸媽曦晴在家的情況.  媽媽說她跟表兄弟爭玩具情況嚴重.  爭輸了又會大吵大鬧.  得不到想要的會誓不罷休.  老師的答案令爸媽很意外.  老師說小姐甚少跟同學爭玩具, 她很明白老師的要求, 亦知道玩具是大家的, 可以分享.  但自己的杯或毛巾就不能分享.  若有小朋友拿了她的杯, 她會有所反應.  她上課的時候亦很乖, 不會倒亂, 這跟她在clubhouse 和兒崇時情況完全不一樣!  老師還叫爸媽不用擔心她在學校的生活, 她整體表現得很好, 很投入學校生活.
媽媽將老師的評語告訴婆婆姨姨和舅父, 大家都覺得很匪夷所思.  她和Edwin 一樣, 在家和學校是完全兩個人.  只有三歲的小朋友, 己經明白生存之道, 在學校裡要聽話才會得到老師歡心. 在家呢?  自己是小皇帝小公主, 做什麼仍是父母的心肝寶貝.
能夠了解女兒每天4小時的學校生活點滴實在很有趣. 尤其是她的另一面.  牛太期望第二次家長日, 未知老師下次會否投訴小姐呢?!

十年

轉眼間... 十年了.  不過就像昨日發生一樣.

十年間:-
牛生由high dip 變degree 再變master;
牛棚由租馬鞍山新港城第一個蝸居到上車去將軍澳再轉車去鄰座的3房的單位;
全家的電器通通在十歲前報銷;
二人的收入由剛好超過買居屋的上限至現在被classify 為.... 高收入家庭!
由二人世界變成五人家庭.
十年間, 我們經歷了無數恩典.  最厚禮的當然是小姐的出現.

牛太本來想影一輯十週年婚紗照, 不過現在找婚紗店拍照是天價, 退而求其次找stuido 影也好.  約好了下個月今日, 希望可以照原定計劃進行.

下一個10年又會是如何?  小姐應該是一個正在讀f.2 反叛期的少女, 而牛生無何選擇, 一定是繼續做牛, 而牛太呢?  當然希望可以成為全職媽媽啦!