他為何會這樣興奮? 因為鄰桌一歲的bb 女來撩他, 他當然不會放過任何溝女的機會啦! 聽媽媽說, 平日帶他到會所玩耍時, 他會扯男孩子的頭髮, 但就會用bb 話逗女孩子一起玩.
哥哥說近日每逢放食物入Edwin 口時, 他就會扮出很酸的表情, 任何食物也會. 昨晚又表演給姑姐們看.
很奇怪, Edwin特別喜歡大姑丈, 可能大姑丈會說bb 話吧! 每當姑丈跟他說bb話時, 他總會大大聲回應, 你一句我一句, 很好笑.
又是很奇怪, 作為Edwin 禮物大使的細姑姐, 一抱Edwin他必會哭. 他真是不識趣.
3 comments:
我想問....究竟邊個係你...點解同我上次係坑口見o既你唔同o既！
bb就係咁，大到咁上下就開始古靈精怪，呢個時候既bb係最好玩，未識行唔會四圍走，未識講野又唔會每事問。
兔太: 好彩你攪錯邊個係我媽媽. 哈哈!
oyster: 佢唔喊唔扭計時就真係幾好玩既... 唔知係咪其他bb 都係咁, 佢而家唔玩玩具, 無論幾得意幾好玩既都唔玩. 最鐘意玩拖鞋, 膠袋, 電話繩, 你越唔比佢玩佢就越要玩!
Post a Comment