上星期五, 牛太整天都掛念著小c, 早上離開牛棚時覺得很內疚, 因為晚上爸爸媽媽和婆婆去了演唱會, 只剩下工人姐姐陪她. 兔太太說父母間中外出拍拖是正常及有須要的, 這才會讓兒女知道何為愛. 不過牛太實在做不到. 如果是任何一個有約, 另一個留在家照顧小c 就沒有這個內疚. 而隨著她長大, 牛生牛太就更想多點時間跟她一起, 平日返工坐監已經失去了很多見証她成長的機會. 試過星期六早上兩個人趁著她睡覺時去吃個早餐, 少了隻八厭星在倒蛋總是覺得怪怪, 吃過早餐還是趕快回去. 爸爸媽媽很享受三位一體, 只得兩個人去拍拖的下場就是盡快回家. 這種感覺很可能要等好多年才會消失. 不過牛太覺得是值得的, 拍拖的日子將來仍有機會, 現在要好好珍惜要照顧她的時刻.
說回演唱會, 老實說, 第一次的左麟右李是最好看的, 無論歌曲及其他表演節目. 現在他們總想給觀眾驚喜及誠意, 有點走火入魔. 同事跟牛太說, 可否叫他們不要跳舞, 大家入場其實是想聽歌, 想睇跳舞會去看其他歌星. 牛太說他們是想觀眾覺得物有所值, 收了人錢就要做點功課, 不能馬馬虎虎了事, 跳舞是他們二人的弱項, 難道他們不知道他們的舞技比郭富城相差很遠嗎, 但他們仍然堅持要向高難度挑戰, 這不是比有些人收錢後仍然會走音有專業道德嗎? 加上, 兩個人齋企三小時唱歌, 觀眾不悶他們也會嫌悶吧. 算啦, 當睇馬戲o囉.
牛生全程很勤力影相, 連坐在前一行無帶相機的男士都主動跟牛生討論怎影. 不過牛生到最後幾首歌終於放下相機, 一齊投入大唱大叫.
全晚最好看的是Ryan 仔. 入座後牛太就很快認到vip 位有位小貴賓. 他都算乖, 坐了整整一小時, 就算很嘈和黑都沒有扭計, 見到daddy 還會手指指. 而偶像每次走到Ryan前面時, 他的笑容都會特別甜, 牛太覺得這跟牛生見到cc 時時一樣的. 証明他也是一個好爸爸.
7 comments:
我都不知幾想pat低兩隻仔去下街，不過好難，無人睇住佢地嘛！
你唔同，有工人姐姐睇住cc，你應該趁呢段時間去下街，否則到你第二日無姐姐幫手時就邊度都無得去...
我都覺得好精彩, 我亞嫂就覺得悶, 真係見仁見智!
d相影得好靚, 可以比美紅館門口幾廿蚊一張
好多父母都有咁o既心態，細時唔捨得丟低佢地去拍拖，到佢地大時唔再痴你地時...會突然發現，無o左仔女係身邊會好唔慣，唔知點面對另一半，你諗下幾諷刺？所以，點解要鼓勵父母無論如何都要有兩人獨處的時候，食個早餐又好，飲過下午茶又好，不要讓小朋友不知不覺地侵吞o左你地的婚姻關係。
小朋友唔係一個家庭的核心，佢只係其中一個受歡迎的成員，夫婦二人先係骨幹，所以點都要花點時間去施肥呀，咁就係對女兒最好的方法之一。
當你發現，就算食個早餐咁短時間，無個女係度好似無野同老公講，咁就唔係好健康呀。
大家一齊努力啦！
講得岩呀, 2公婆要拍拖架! 雖然我今時今日好唔捨小皇帝, 但我都會掉低佢去街架, 隨著佢開始大, 呢年開始無咁唔捨得啦!
我成日好想只係2公婆去一次旅行, 而家無野做, 直情係最perfect 的時間, 但係仍然做唔到.....
大食怪....你個仔都讀小學...現在先無咁唔捨得呀？
大食怪.........你....... 有口話人..... 你捨得掉低細佬咩.............
Mrs rabbit: 係呀, 我都係呢2年自己去街至開始無咁掛住咋, 之前都好掛住, 自已去街等於快D 返屋企咁
牛太太: 皇細佬.....真係麻麻地捨得, 佢而家係我心肝寶貝, 呢個世上, 恐怕暫時只有佢未比我發過脾氣....哈哈! 所以去唔到旅行LAW
Post a Comment